23 - පරිත්‍යාග කළ යුවළ
සහාබිවරයකුගේ නිවසට දිනක් අමුත්තෙක් පැමිණියා. සහාබිවරයාගේ නිවසේ අමුත්තාට දෙන්නට තරම් කෑම තිබුණේ නෑ. අමුත්තා හිස් අතින් යැවීමට සහාබිවරයාට කැමැත්තක් තිබුණේ නෑ. එම නිසා ඔහු අමුත්තා පිළිගෙන සතුටින් උපස්ථාන කළා.
සහාබිවරයා තම බිරිය සමඟ රහසින් සාකච්ඡා කළා. තමන්ගේ රාත්‍රි කෑම අමුත්තාට දෙන්නට දෙදෙනා ම තීරණය කළා. කෑම ගන්නා අවස්ථාවේ එතැනට ආ සහාබිවරයාගේ බිරිය පහනේ එළිය වැඩි කරනවා වගේ එය නිවා දමන්න කතා කර ගත්තා.
සහාබිවරයා ද අමුත්තා සමඟ කෑමට ඉඳ ගත්තා. ඒ අතර එතැනට පැමිණි සහාබි බිරිය පහන නිවා දැමුවා. අමුත්තා කෑම අනුභව කළ අතර සහාබිවරයා කෑම අනුභව කරන්නාක් මෙන් ඇඟෙව්වා. අනුභව කර අවසන් වූ පසු දෙදෙනා ම නැගිට්ටා.
අමුත්තා සතුටින් සමු ගත් අතර සහාබි හා සහාබි බිරිය අමුත්තාට සංග්‍රහ කර කුසගින්නෙන් ම සතුටින් නිදා ගත්තා ය.