ආච්චි සීයා රෝගී වෙලා - රෝහල වෙත අරගෙන යමු
නංගි මල්ලි අසනීපෙන් - බෙහෙත් ටිකක් පොවලා බලමු
දයාව කරුණාව පතමු - සුවය පතා දෙවිඳු යදිමු
ඇවිදින්නට බැරි අම්මට - රෝද පුටුව ළං කර දෙමු
ඇස් නොපෙනෙන තාත්තාව - අතින් අල්ලා ඇවිද්දවමු
මේ සැමට ම සෑමදාම - කරුණාවෙන් උදව් කරමු
කන්න බොන්න නැති අයහට - කෑම ටිකක් කන්නට දෙමු
ගෙයක් දොරක් නැති අය හට - නවාතැනක් සොයලා දෙමු
අසරණ වූ මේ සැම හට - දෙවිඳු පිහිට නිතර පතමු
මහලු මඩමෙ සිටින අයට - දුවෙක් පුතෙක් වෙලා බලමු
ආදරයක් නොලැබු අයට - ආදරයෙන් නිති සලකමු
අනාථ වූ මේ සැමහට - කරුණාවෙන් කතා කරමු
දණ ගාමින් යන මල්ලිව - ළඟ ඉදගෙන බලා ගනිමු
පියවර තබනා නංගිට - ඇවිදින්නට උදව් කරමු
දෙව් ආසිරි ලැබ ගන්නට - දෙවිඳු වෙතට යොමු කරවමු
පූස් පැටියා අහිංසකයි - බඩගින්නට කිරි ටික දෙමු
පිපාසයට වතුර ටිකක් - බලුපැටියට බොන්නට දෙමු
මේ සැම දෙන ලබා දුන්න - පිය දෙවිඳුට නිති තුති දෙමු