ගුරුතුමිය : දුවලා පුතාලා ඉරිදා පල්ලි ගියා නේද?

ළමයි : ඔව් ටීචර් අපි දහම් පාසලට යන්න ප්‍රථම හැමෝ ම දිව්‍ය පූජාවට සහභාගිවීම සඳහා පල්ලියට ගියා.

ගුරුතුමිය : බොහොම හොඳයි. දැන් කාට ද කියන්න පුළුවන් ඔයාලා දිව්‍ය පූජාවට සහභාගී වුණේ කොහොමද කියලා.

ඇන්ටනි : අපි සියලු දෙනා පල්ලියට ඇතුළු වී ගුරුතුමිය කියා දුන් පරිදි දොහොත් මුදුන් දී දණනමස්කාර කර වැන්දා. පූජාව පටන් ගන්න පෙර කියන ජපමාලයට අපිත් සහභාගි වුණා. පූජාව පටන් ගැනීමේ සීනුව නාද වනවිට අසුනින් නැගිට දෑත් වැඳගෙන ආරම්භක ගීතිකාවට සහභාගි වුණා. පූජාව පටන් ගත් පසු පියතුමා සමග අපිත් පිතා පුත්‍රයා සලකුණු කළා. පව් සිහිකර සමාව ඉල්ලුවා.

ඈන් : පියතුමා කියූ දේව වචනයට අපි හොඳින් ඇහුම්කන් දුන්නා. සුපුවත පැවසුවේ අලුත් දෙයක්. එනම් මිතුරන් කැඳවන්නට පෙර අසරණයින්, අනාථයින් කැඳවන්න කියලයි.

ගුරුතුමිය : දුවලා, පුතාලා හොඳින් දේව වචනයට සවන් දීලා තියෙනවා. ඉතිං ඔයාලා පඬුරු පෙරහැරට කොහොමද සහභාගි වුණේ?

දෙව්මි : අපි භක්තියෙන් පඬුරු පෙරහැරට සහභාගි වුණා. ජේසුස් වහන්සේ ඉගැන්වූ යාච්ඤාව කියා පියතුමා සමග අපත් සතුටින් අන් අයට සාමය පැතුවා. පියතුමා පූපය ඔසවන විට, කුඩා කුටියක් තුළ සිරගත වී අපි එනතුරු බලා සිටින ජේසුස් වහන්සේ දිහා බලා හිස නමා යාච්ඤා කළා. පූජාව අවසන් වී පියතුමා "යන්න සාමය ගෙන යන්න" කියා පැවසූ වදන් සිතට ගත්තා. අවසාන ආශීර්වාදය ලබාගත් පසු දෙවස්ථානයෙන් පිටතට පැමිණියා.

සැම ඉරු දිනත් නත්තල හා දේව මාතා නිර්දෝෂ පිළිසිඳීමේ
මංගල්‍යය වැනි ණය මංගල්‍යය දිනවලත් දිව්‍ය පූජාවට සහභාගි වී
දෙවිඳුන් සතුටු කරමු.