ඔබේ අත දිගු කරලා - මගේ අත මත තියලා
ජේසුනි මගේ දෑත - ඔබෙ සේවෙට ගන්න

අම්මේ, අපේ ගුරුතුමී අද අපට බොහොම වටිනා පාඩමක් කියලා දුන්නා.

අපේ පාසල, පන්ති කාමරය අපට ලැබිලා තිබෙන්නේ දෙවි පියාණන් වහන්සේ අපට ගොඩක් ආදරේ නිසයි. ඉතිං, පාසල් ගොඩනැගිලි, පන්ති කාමර රැක ගැනීම, මිදුල අලංකාර ව තබා ගැනීම දකින දේව තාත්තා අපට හොඳින් ඉගෙන ගන්නත් පිහිට වෙනවා කිව්වා.

ඒ වගේ ම හැමදාම අපේ ගෙදර පිරිසිදු ව තබා ගන්නත් ඕනෑ. මිදුල අතු ගාලා, ලස්සන මල් වවලා තිබුණා ම දේව තාත්තා අපේ ගෙදර සතුටින් පුරවනවා. පවුලේ හැමෝට ම එකමුතු ව ආදරයෙන් ජීවත් වෙන්නත් උදවු වෙනවා කිව්වා.

ඒ විතරක් නෙවෙයි. දේව තාත්තගේ නිවස වන අපේ දේව මන්දිරය පිරිසිදු ව තබා ගන්න ඕනෑ. මිදුලේ වැටී ඇති වියළි මල්, කොළ අහුලා පොහොර වලට දාන්න ඕනෑ. එවිට දේව තාත්තා අප එනතුරු නොඉවසිල්ලෙන් බලා සිට අප ව ආදරයෙන් පිළිගන්නවා කියලා ගුරුතුමී කිව්වා.

ආ! මට අමතත වුණා. අප අවට තිබෙන රෝහල, බස් නැවතුම, ක්‍රීඩා පිට්ටනිය වැනි පොදු ස්ථාන ආරක්ෂා කරන්නත් පිරිසිදු ව තබා ගන්නත් කීවා. ආසන ඉරීම, තැන තැන කෙළ ගැසීම, ක්‍රීඩා උපකරණ කඩා බිඳ දැමීම හොඳ නැති බවත්, ගුරුතුමිය අපට ආදරයෙන් කියා දුන්නා.