1 - නව වසරයි දේව ආශීර්වාදයයි
උදය රැස්වීම අවසන් වී අලුත් පන්තියට පැමිණ සිටි සියලු ම සිසුන් බුලත් අත් අතැතිව සතුටින් සහ සිනහමුවින් බලා සිටින්නේ පන්තිභාර ගුරුතුමිය පැමිණෙන තුරු ය.
සියලුම සිසුන් පේළියට පැමිණ බුලත් අත් ගුරුතුමියට දෙමින් වැන්දා.
දෙවි පියාට තුති පුදමින් ගීතය ගායනා කරන්න.
අලුත් පන්තිය ලස්සනට තබා ගන්නම් දෙවිතුමනේ
අලුත් පොත් ද පිරිසිදුව තබා ගන්නම් දෙවිතුමනේ
ගුරුවරුන්ට ද ගරු කරමින් කීකරු වෙන්නම් දෙවිතුමනේ
සියල්ල ලබා දුන් ඔබ හට තුති පුදන්නම් දෙවිතුමනේ
ආදර දෙවිතුමෙනි මට ඉගෙන ගැනීමට හොඳ පාසලක්, ලස්සන
පන්තියක් අලුත් පොත් පත්, ගුරුවරුන්, මිතුරු මිතුරියන් ලබා
දුන්නාට ස්තුතියි. ගුරුවරුන්ට කීකරු වෙමින්, ගරු කරමින්, ඔවුන්
සතුටු කරන්නටත් හොඳ ගතිගුණවලින් පිරි ගුණ ගරුක, ඥාණවන්ත
චරිතවත් සිසුවකු ලෙස ජීවත් වීමටත් මට ආශීර්වාද කළ මැනව.
ආමෙන්.