10 - පවුලේ යාච්ඤාව වන ජපමාලය
අද සවස අපේ ගෙදරට දේව මාතා ප්‍රතිමාව ගේනවා. උදේ සිට අම්මත් එක්ක මම දේව මාතා ප්‍රතිමාව සරසන්න උවමනා කරන දේවල් සුදානම් කළා. දේව මාතාවගේ හිස පළඳන්න ලස්සන ඔටුන්නක් සැදුවා. එතුමියට අලංකාර සළුවකුත් අම්මා මැසුවා. මල් කඩා දිග මල්මාලයකුත් සැදුවා. අක්කා ගෙදර අතුගා සූදානම් කළා. පවුලේ අය සමඟ එකමුතු වී සවස ජපමාලය උච්චාරණය කළා.
අපි ගෙදර දී දිනපතා ම හවසට පහන පත්තු කරලා පවුලේ අය එකතු වෙලා ජපමාලය උච්චාරණය කරනවා. අයියා බයිබලය අරගෙන එදාට තියෙන දේව වචනය හැමෝට ම ඇහෙන්න කියවනවා. ජපමාල අභිරහස් ගැන තාත්තා අපට පැහැදිලි කර දෙනවා. ජපමාලය කියා අවසන් වූ විට ගීතිකාවකුත් කියනවා. එයින් හරිම සතුටක් ලැබෙනවා.
ජපමාල අභිරහස්
නිවසින් බැහැර වන සැම අවස්ථාවක දී ම ජපමාලය රැගෙන යාමට පුරුදු වෙමු.