4 - සමාව දෙන ආදර දෙවි පියාණෝ
මෙම විරිදු පෙළ ගායනා කරන්න.
සියලුම යස ඉසුරු පිරුණු සුන්දර ඒදන් උයනේ
පිය දෙවිඳුට කීකරු වී අදරින් තුති පුදමින්නේ
ආදම් සහ ඒව තුටින් ඉන්නා කළ ඒ උයනේ
සර්පයකුගේ වෙස් ගනිමින් සාතන් උයනට එන්නේ
තහනම් ගසේ ගෙඩි කෑමට රුචියක් ඇති කරමින්නේ
දේව තාත්තට සමාන වන බව බොරු කියමින්නේ
ඒව ලවා ආදම්වත් වැරදි මඟට ගනිමින්නේ
මිනිසා දෙවි පියා සමග භේද කළේ සාතන්නේ
සිරිත් පරිදි දේව තාත්තා ඔවුන් ව සොයමින්නේ
ආදම් සහ ඒව කියා කතා කළේ අදරින්නේ
අකීකරුකමේ පාපය කළ බව තේරුම් ගන්නේ
ආදම් සහ ඒව බියෙන් හැංගුණේ ගස් අතරින්නේ
අකීකරු වූ මේ දෙදෙනට දඬුවම් පමුණුවමින්නේ
ආදම් හට මහන්සි වී වැඩ කරන්න කියමින්නේ
ඒවට දුක වේදනාව හිමි වන බව දෙසමින්නේ
සමාව දුන් දේව පියා නිති සගයේ දෙවිඳුන්නේ
ළමා අපෙන් පුංචි වැරදි වන බව අපි පිළිගනිමු
කමාව ගෙන වැරදි හදා ගන්නට අපි වෙර දරමු
අදරින් පිරි පිය දෙවිඳුට කීකරු වී සිත දිනමු
හොඳ දරුවන් ලෙස මෙලොවෙ දිවි ගෙවනට අපි සිතමු
ආදර දෙවි පියාණනි, අපෙන් වරදක් වූ විට සමාව ඉල්ලීමට අප
පුරුදු කළ මැනව. අපට වරදක් වූ විට සමාව දීමටත් අපට පිහිට වුව
මැනව. ආමෙන්.