14 - බොදු ගී
මල් සුගන්දේ දම් සුගන්දේ සිල් සුළං රැල් පාවෙලා
සම්බුදුන් සම්භාවනීයයි සාදු සාදු වන්දනා
මිහින්තලාවයි දහම් අමාවයි ශාන්ත අනුබුදු නාමයයි
කාට කාටත් මේ කියන්නේ ශාසනේ ඉතිහාසයයි
රත්නමාලී සෑ රදුන් මේ දෙව් බඹුන් පූජා ලබයි
මේ මහා ගල් මුල් කියන්නේ ඒ උතුම් අභිමානයයි
රැල් නගා හෝ ගා ගලන්නේ ජාතියේ ජය පානයයි
සිංහලේ වික්මන් කියන්නේ මේ පොළොන්නරු දේශයයි
දාගැබයි මහ මේඝයයි නිල්වන් ගුවන් ගැබ යා වුණේ
ගල් කුළින් සිත්තම් වුණා දෝ මෙත් සිහිල් කරුණා ගුණේ
මහා රජුන් තුන් සිංහලේ මෙහෙමයි එදා දස්කම් කළේ
මේ උතුම් දහමින් තමා ලේ මස් පවා විස්කම් කළේ
ධීර වීරයි පූජනීයයි නෑ නිමක් ගුණ ගායනේ
සිව් මහා දෙවිඳුන් රකීවා මේ අපේ බුදු ශාසනේ
පද රචනය : නිහාල් ඒ. ජයසිංහ මහතා
සංගීතය : පී.එල්.ඒ. සෝමපාල මහතා
ගායනය : මොහිදින් බෙග් මහතා සහ සුජාතා අත්තනායක මහත්මිය
