15 - අපේ ගෙදර
මෙය අපගේ නිවස ය. මෙය අල්ලාහ් අපට ලබා දුන් දායාදයකි. අපි මෙහි පවුලක් ලෙස ජීවත් වන්නෙමු. මෙහි අපට සැනසුම ද, ආරක්ෂාව ද ලැබේ. අපි අපේ නිවස පිරිසිදු ව, අලංකාර ව හා පිළිවෙළට තබා ගනිමු.
නිවසේ අභ්‍යන්තරය පිරිසිදු ව තබා ගනිමු. නිවසේ බිත්තිය, පොළොව, ආලින්දය, නිදන කාමරය, මුලූතැන්ගෙය, නානකාමරය, වැසිකිළිය යන සෑම තැනක් ම පිරිසිදු කරමු. ඒවා දිනපතා තෙත මාත්තු කර පිරිසිදු කරමු. අලංකාර ව හා සුවඳවත් ලෙස තබා ගනිමු.
නිවසෙහි පරිහරණය කරන ගෘහ භාණ්ඩ, ජනෙල්, තිර රෙදි, ඇඳ රෙදි යනාදී සියල්ල පිරිසිදු ව හා පිළිවෙළින් අදාළ ස්ථානයන්හි තැබීමට සහාය වෙමු.
භාජන පිරිසිදු ව තබා ගනිමු. ඒවා වසා තබමු. නිවස අවට පරිසරය දිනපතා අතු ගා පිරිසිදු ව තබා ගනිමු. මල් පැළ හා ඵල ලබා දෙන ගස් සිටවමු. ඒවාට ජලය හා පොහොර දමා නඩත්තු කරමු.
අපි සියලූ දෙනා අප නිවස තුළ සමගියෙන් හා සතුටින් ජීවත් වෙමු. දිනපතා අල් කුර්ආනය පාරායනය කිරීම, සලාත් කිරීම, දික්ර් කිරීම වැනි යහ ක්‍රියාවලින් නිවස අලංකාරවත් කර ගනිමු. මෙවැනි යහ ක්‍රියා මගින් අල්ලාහ් අපගේ නිවස හා පවුල වෙත දායාද පහළ කරයි. එනිසා අපි අල්ලාහ්ට තව තවත් ස්තුති කරමු.