12 - සූරතුල් ෆලක්
අපරිමිත දයාබර වූ ද, අසමසම කාරුණික වූ ද අල්ලාහ්ගේ නාමයෙන් ආරම්භ කරමි.
1. (නබිවරයාණෙනි! ඔබ) පවසන්න. අරුණෝදයෙහි රක්ෂකයාණන්ගෙන් මම ආරක්ෂාව පතමි.
2. ඔහු මැවූ දේවල නපුරෙන්,
3. අන්ධකාරය පැතිරෙන විට ඇති වන රාත්‍රියෙහි නපුරෙන් ද,
4. තව ද, ගැට මත (මතුරා) පිඹින ස්ත්‍රීන්ගේ නපුරෙන් ද,
5. ඊර්ෂ්‍යා කරන්නා, ඊර්ෂ්‍යා කරන විට ඇති වන නපුරෙන් ද (මම ආරක්ෂාව පතමි)
ආයත් පහකින් සමන්විත මෙම සූරාව මක්කාවේ දී පහළ විය. මෙය අල් කුර්ආනයේ 113 වැනි පරිච්ඡේදය වේ. මෙය "අල් මුඅව්විදතයින්" යනුවෙන් හඳුන්වන සූරා දෙකෙන් එකකි.
මෙය අපට ආරක්ෂාව ලබා දෙන්නකි. "මෙම සූරාව උදේ, සවස පාරායනය කරන්නන්ට සියලූ ආකාරයේ විපත්තිවලින් ආරක්ෂාව ලැබෙනු ඇත" යැයි නබි සල්ලල්ලාහු අලෛහි වසල්ලම් තුමාණෝ පැවසූහ.
තව ද පංච කාල සලාතයන්ට පසු ව ද, නිදා ගැනීමට පෙර ද උදේ හවස පාරායනය කිරීම නබි සල්ලල්ලාහු අලෛහි වසල්ලම් තුමා පෙන්වා දුන් මඟපෙන්වීමකි.