• මගේ නම මාරි ෆ්‍රැන්සුවා තෙරෙස් මාටින්.
• මම ඉපදුණේ 1873 ජනවාරි 02 වන දින ප්‍රංශයේ ඇලන්සොන් නගරයේ.
• මගේ පියා ලූවිස් මාටින්. මව සෙලින් ගෙරැන්. මට සහෝදර සහෝදරියන් අට දෙනෙකි. මම පවුලේ බාලයා.
  
• මා කුඩා කාලයේ දී මගේ මව මිය ගියා. වැඩිමහල් සොයුරිය කාර්මේල් නිකායට ඇතුළත්ව පැවිදි ජීවිතය තෝරා ගත්තා.
• මමත් අවුරුදු පහළොවේ දී කාර්මේල් නිකායට ඇතුළත්ව පැවිදි ජීවිතය තෝරා ගත්තා.
• මම ස්වර්ගයට ඇතුළු වුණේ 1897 සැප්තැම්බර් 30 වන දිනයි.

ජේසුගේ කුඩා මල වීමට මා උත්සාහ කළේ මෙලෙසයි.

• මා ඉතා කුඩා ක්‍රියා පවා ඉතා සතුටින් හා ආදරයෙන් ඉටු කළා.
• මර්දන ක්‍රියා මඟින් පව්කාර වූ අය ගළවා ගැනීමට මා යාච්ඤා කළා.
• ධර්මදූත කටයුතුවල යෙදෙන පියතුමන්ලා වෙනුවෙන් යාච්ඤා කළා.
• මට වැරදි කළ අයට මා යහපත කළා.
• මා තද බල ලෙස රෝගී වූ විට සිතට ගතට දැනුණ වේදනා සතුටින් දරා ගත්තා.
• මට ක්ෂය රෝගය වැලඳුණා. එහි දී මට බොහෝ වේදනා දැනුණා. ඒත් මම සතුටින් ජීවත් වුණේ ජේසුස් වහන්සේගේ මහත් වූ ආදරය නිසයි.
  
• මාගේ මෙලොව අවසාන වචන වූයේ - "මාගේ දෙවියනි මම ඔබට බොහෝ සේ ආදරය කරමි" යන්නයි.

*ඔක්තෝබර් මස 01 වන දින කුඩා තෙරේසා මුනිතුමියගේ මංගල්‍යය සමරනු ලබයි.

*ධර්මදූත සේවය සඳහා කැපවූවන්ගේ සහ කුඩා ළමුන්ගේ නාම සාන්තුවරිය ඇයයි.

යාච්ඤාව
ආදර දෙවි පියාණෙනි, ජේසු සමිඳුගේ කුඩා මලක් වන්නට
අපටත් උදවු වුව මැනව. අප කරනා පුංචි ක්‍රියාවක දී පවා ඔබ
වහන්සේට විශ්වාසවන්තව, සතුටින් ඒ දේ කරන්නට අපට පිහිට
වුව මැනව. කුඩා තෙරේසා මුනිවරියනි, අප නිසා යාච්ඤා කළ
මැනව.
ආමෙන්