කන්‍යා සොහොයුරිය :

දෙවි පියාණන් වහන්සේ හා අප අතර ඇති සබඳතාව වැඩි වර්ධනය කරගත හැකි යැදුම් කිහිපයක් තිබෙන බව පුතාලා දුවලා අසා තිබෙනවා ද? එම යැදුම් ගැඹුරු යාච්ඤා දිවියකට අප ගෙනයනවා. ඒවාට අප පොදු යැදුම් කියා කියනවා. ශුද්ධ වූ සභාව විසින් සකස් කර දී ඇති මෙම පොදු යැදුම් අපට බෙහෙවින් ම වැදගත් වෙනවා.

එහෙම නම් එම පොදු යැදුම් මොනවා ද කියා අපි බලමු. 

•  අපෝස්තුලූවරුන්ගේ විශ්වාස ලක්ෂණය
  

අප විශ්වාස කරන ප්‍රධාන කරුණු මෙම යැදුමේ අඩංගු වෙනවා. අපි එය ජපමාලය සමග දිනපතා උච්චාරණය කරමු.

• දයාධික මනස්තාපය

මෙය සමගි සන්ධානය නැමැති ප්‍රසාද නිධානය ලබන විට කියන යැදුමකි. දෙවි පියාණන් වහන්සේගේ ආදරයට විරුද්ධව කරන වැරදිවලට සමාව අයදිමින් උච්චාරණය කරන යාච්ඤාව දයාධික මනස්තාප යාච්ඤාව වේ.

• උදය ආරාධනාව

මෙය උදෑසන අවදි වූ විට දෙවිපියාට තුති පිදීමට හා ආරක්ෂාව පැතීමට කියන යාච්ඤාවකි.

• රාත්‍රි ආරාධනාව

මෙය රාත්‍රියේ නින්දට යාමට පෙර දේව ආරක්ෂාවට බාර වෙමින් කියන යැදුමකි.

• තුන් කාල ආරාධනාව

දිනකට තුන්වරක් උදය, දවල්, රාත්‍රි මෙය කියනු ලැබේ.

• පාස්කු කාලයේ තුන් කාල ආරාධනාව
  

මෙය පාස්කු කාලයේ පමණක් කියන යාච්ඤාවකි.

• දිනපතා යැදුම් අවස්ථාවන්හි යොදා ගන්නා මෙම පොදු යාච්ඤා භාවිත කරමින් දෙවි පියාණන්  වහන්සේට යාච්ඤා කිරීමට ඉගෙන ගන්නා ලෙස දුවලා පුතාලගෙන් ආදරයෙන් ඉල්ලා සිටිනවා.

ජීවිතයට බිඳක්
පොදු යැදුම් තුළින් දෙවි පියාණන් වහන්සේ හා අප
අතර ඇති සබඳතාව වැඩි වර්ධනය කර ගනිමු.