ශු. ලුක් 6 : 27-36

ජේසුස් වහන්සේගේ ඉගැන්වීම් අපි තව දුරටත් තේරුම් ගෙන එය ක්‍රියාවට නඟමු.

* ඔබේ සතුරන්ට
            ප්‍රේම කරන්න.
* ඔබට වෛර කරන්නන්ට
            යහපත කරන්න.
* ඔබට සාප කරන්නන්ට
           සෙත් පතන්න.
* ඔබට ගැරහුම් කරන්නන් උදෙසා
           යාච්ඤා කරන්න.
* ඔබේ එක කම්මුලකට අතුල් පහර දෙන අයට
           අනෙක් කම්මුල ද පාන්න.
* ඔබේ උතුරු සළුව පැහැර ගන්නාගෙන්
           ඔබේ අඳනය වුව ද වළක්වා නොගන්න.
* ඔබෙන් ඉල්ලන හැමට ම
          දෙන්න.
* ඔබ සතු දෙය පැහැර ගන්නාගෙන්
          යළිත් එය නොඉල්ලන්න.
* අනුන් ඔබට යමක් කරනවාට ඔබ කැමැත්තෙහි ද
          ඔබත් ඔවුනට එ දේ ම කරන්න.

තමන්ට සතුරුකම් කරන්නන් කෙරෙහි  පේමය වඩන අන්දම ජේසුස් වහන්සේ උගන්වා ඇත්තේ ඉහතින් දැක්වූ ආකාරයට ය. මෙම ඉගැන්වීම් ඇසූ විගස එක වර ම මෙය ක්‍රියාවට නැංවීම අසීරු කාර්යයක් ලෙස හැඟී යා හැකි  ය. එහෙත් ටිකෙන් ටික මේ ඉගැන්වීම් ක්‍රියාවට නැංවීමට අපි ඉටා ගනිමු .එවිට ජේසුස් වහනසේ අපට, වඩා හොඳින් ප්‍රේම කරමින් උදවු කරනු ඇත. එසේ කරන විට අපේ හදවත් වලට පුදුමාකාර ප්‍රිතියක් දැනෙනු ඇත. අපේ හදවත්  සාමයෙන් පිරෙනු ඇත. ජේසුස් වහන්සේ තව දුරටත් අපට ආශිර්වාද කරමින් දෙවියන් වහන්සේගේ දරුකමට අප පත් කරගනු ඇත.

මට සතුරුකම් කරන්නන්ට මම ප්‍රේම කරමි.

කටපාඩම් පදය
ඔබේ පියාණන් වහන්සේ දයානුකම්පා ඇතිව සිටින්නාක්
මෙන් ම ඔබ ද දයානුකම්පා ඇතිව සිටින්න. (ලුක් 6:36)