අප ජීවත් වන මෙම භූමිය අල්ලාහ්ගේ දායාදයකි. අල්ලාහ් ආදම් අලෙයිහිස් සලාම්තුමා මෙලොවට එවීමට සූදානම් කළ විට, මිනිස් වර්ග යාගේ ජීවන පැවැත්මට අවශ්‍ය කරන සියලූ ජීවීන් හා භෞතික වස්තු ද මෙහි මැව්වේ ය.

එනිසා පරිසරය යන්න අප ජීවත් වන භූමිය සහ එහි අල්ලාහ් අප වෙනුවෙන් මැවූ ජීවීන්, භූමිය, ජලය හා වාතය වැනි අත්‍යවශ්‍ය භෞතික වස්තූන් සියල්ල අයත් කොටස වන්නේ ය.

අපගේ පරිසරය ද එම පරිසරයේ ඇති දේ පිළිබඳව ද අල්ලාහ් ඔහුගේ කලාම් වන අල් කුර්ආනයේ බොහෝ ස්ථානවල සඳහන් කරන්නේ ය.

පුළුල් වූ අහස්තලය, අප ජීවත් වන පොළොව, එහි පියාසර කරන පක්ෂීන්, මී මැස්සන් ආදිය පිළිබඳව අල් කුර්ආනයේ සඳහන් වේ.

ගලන ගංගා, වේගයෙන් හමන සුළඟ, චන්ද්‍රයා, සූර්යයා, තාරකා යැයි අල් කුර්ආනය පවසන සෑම උදාහරණයක් ම දෙස බලන්න. ඒවා අපගේ පරිසරය පිළිබඳව ද එහි වාසය කරන මිනිසා එමගින් බොහෝ පාඩම් ලබා ගැනීම පිළිබඳව ද ගෙනහැර දක්වයි. එපමණක් නොව එය සුරැකීමේ වැදගත්කම පිළිබඳව ද සඳහන් කරයි.

එනිසා අප ජීවත් වන භූමිය සාරවත් කිරීම සෑම මුස්ලිම්වරයකුගේ ම අනිවාර්ය යුතුකමකිග 'ඊමානයේ අංශ හැත්තෑවකටත් වඩා අධික වේ. එහි උසස්තම අංශය "ලා ඉලාහ ඉල්ලල්ලාහ්" නම් කලිමාව වේග එහි පහත් ම අංශය මාර්ගයේ ඇති හානිකර දේ ඉවත් කිරීම වේ' යැයි නබි සල්ලල්ලාහු අලෙයිහි වසල්ලම්තුමාණෝ පැවසූහග එපමණක් නොව "පිරිසිදුකම ඊමානයේ අඩකි" යැයි ද නබි සල්ලල්ලාහු අලෙයිහි වසල්ලම්තුමා පැවසූහ.

සෑම මුස්ලිම්වරයෙකු ම ඔහු ජීවත් වන පරිසරය අලංකාරවත් ලෙස හා පිරිසිදු ලෙස තබා ගැනීම කෙරෙහි අවධානය යොමු කළ යුතුය.

පරිසරය අලංකාර කිරීමේ දි සැලකිය යුතු කරුණු

1. පරිසරය අලංකාර කරන ගස් වැල් සිටුවීම.
2. පරිසරය නිරතුරුව පිරිසිදුව තැබීම.
3. පරිසරය පිරිසිදු කරන විට වරින් වර එකතු වන කුණු කසළ නිසි අයුරින් ඉවත් කිරීම.
4. භූමිය ජලය හා වාතය යනාදිය දූෂණය නොවී ආරක්ෂා කිරීම.
5. ගස්වලට පක්ෂීන්ට හා සිවුපාවන්ට හානිකර විෂ වර්ග එම පරිසරයේ වැඩීමට නොදී වැළැක්වීම.

මෙසේ අවට පරිසරයේ අලංකාරය හා පිරිසිදුකම ආරක්ෂා කරන විට අපට අල්ලාහ්ගේ දයාවට පාත්‍ර වූවන් බවට පත් විය හැක. පහත හදීස් මගින් එය මෙසේ ගෙනහැර දක්වයි:

"අල්ලාහ් අලංකාර වූවෙකි. ඔහු අලංකාරය ප්‍රිය කරයි, අල්ලාහ් පිරිසිදු ය. ඔහු පිරිසිදුකම ප්‍රිය කරයි." (මුස්ලිම්)

අවට පරිසරය ආරක්ෂා කිරීම මගින් වර්තමානයේ මිනිස් සමාජයට තර්ජනයක් වන ඩෙංගු, මැලේරියා, පාචනය, කොළරාව, උණසන්නිපාතය වැනි බෝවන රෝගවලින් ආරක්ෂාව ලැබිය හැකි ය.

අවට පරිසරය දූෂණය වීම මගින් මෙලොවෙන් තුරන් වී යන විවිධ ජීවීන් ආරක්ෂා කර ගැනීමට ද හැකි වන්නේ ය. ඒ සමග දිනෙන් දින ඇති වන ඉඩෝරය, භූමිකම්පා, ගංවතුර, නායයෑම්, සුනාමි වැනි ස්වාභාවික ආපදාවලින් ද අපට ආරක්ෂාව ලැඛෙන්නේ ය. මුස්ලිම්වරයෙක් තම මූලික යුතුකම ඉටු කරනවා මෙන් ම පරිසරයේ පිරිසිදුකම ආරක්ෂා කිරීම ද තමාගේ යුතුකමක් කර ගනී.

සාරවත් පරිසරයක් බිහි කිරීම මුස්ලිම් වන ස්ත්‍රී පුරුෂ සියල්ලන්ගේ ම අනිවාර්ය යුතුකමක් වන්නේ ය.

එනිසා එවැනි පරිසරයක් බිහි කර අල්ලාහ්ගේ තෘප්තිය ලබා ගැනීමට අපි උත්සාහ කරමු.