15 - දයාව දැක්වූ ජේසුතුමා
ශු. ලුක් 7 : 11 - 17
දිනක් ජේසුස් වහන්සේ නායින් නම් නුවරට වැඩිය සේක. උන්වහන්සේ සමග උන්වහන්සේගේ ශ්‍රාවකයෝ ද තවත් පිරිසක් ද සිටියහ. උන්වහන්සේ නායින් නුවර දොරටුවට ළඟාවත් ම, එතැන සිටි සෙනඟ මැරුණු තැනැත්තෙකුගේ සිරුරක් පිටතට රැගෙන එනු දුටු සේක. මැරුණු තැනැත්තාගේ මවට සිටියේ එම පුත්‍රයා පමණි. එම ස්ත්‍රියගේ ස්වාමිපුරුෂයා ද ජීවතුන් අතර සිටියේ නැත.
එම ස්ත්‍රියට සිටි එක ම පුත්‍රයා මළ බැවින් ඈ හඬමින් උන්නාය ය. මහත් සෙනඟක් ඈ සනසමින් සිටියෝ ය.ජේසුස් වහන්සේ ඇයට හැඬීම නවත්වන්නට කී සේක. උන්වහන්සේ ඔහුගේ සිරුරට අත තබා,
"යෞවනය නැඟිටින්න", කියා පැවසූ සේක. එවිට ම මළ මිනිසා නැඟිට හිඳගෙන කතා කරන්නට පටන් ගත්තේ ය. උන්වහන්සේ ඔහුගේ මෑණියන්ට තරුණයා භාර දුන් සේක. ජේසුස් වහන්සේ තරුණයා මළවුන්ගෙන් නැඟිටුවා ඇය කෙරෙහි අනුකම්පා කොට දයාව දැක්වු සේක.
මේ දුටු සෙනඟ මවිත වූහ. දෙවියන් වහන්සේ තම සෙනඟ ගලවන්නට වැඩිය බව පවසමින් උන්වහන්සේට ප්‍රශංසා කළහ
මවකගේ දුක හඳුනාගත්ජේසුස් වහන්සේ තුළ තිබූ දයාගුණය
අපි ද පතුරවමු!