Myschool.lk - 1 වසරේ සිට උසස් පෙළ දක්වා සියළුම තොරතුරු නොමිලේ පරිශීලනය කළ හැකි අන්තර්ජාලයේ දැනුම් සාගරය

5-වසර - ක්‍රිස්තු ධර්මය - මුල් කිතුනු සභාවේ බෙදා ගැනීම

19 - මුල් කිතුනු සභාවේ බෙදා ගැනීම

ක්‍රියා 2 : 42 - 47

ඉරු දින දහම් පාසලේ පැවති විශේෂ දේශනයකට සහභාගි වු සදෙව් සහ විශ්වි තම මව සමග තමා ඉගෙනගත් දේ බෙදා ගත් ආකාරය පහත දෙබස මගින් පෙන්වා දෙයි.

මව : පුතා අද ඉරුදින දහම් පාසලේ තිබුණ වැඩ සටහන කොහොම ද?

සදෙව් : අම්මේ, අද අපට කියලා දුන්නේ ඛෙදා ගැනීමේ වැදගත්කම ගැනයි. අපට කෙතරම් අගහිඟකම් තිබුණත් අපි ළඟ තිබෙන දේ බෙදා ගන්නේ කොහොම ද කියලා පෙන්වලා
දුන්නා.

විශ්වි : අපට පෙන්නුවා හරි ම ලස්සන වීඩියෝ දර්ශනයක්.

මව : ඒ මොකක් ද?

සදෙව් : එක්තරා පිරිසිදු කරන ආයතනයක සේවය කරන තාත්තා කෙනෙක් හැම දා ම ආපනශාලාවක් පිරිසිදු කළා. ඒ ආපනශාලාවේ අයිතිකරු හැම දා ම ඒ තාත්තාට රාත්‍රි ආහාරය ද ආපනශාලාවේ ඉතිරි වන ආහාර සියල්ල ද රැගෙන යාමට දුන්නා. ඒ තාත්තා හරි ම සතුටින් ඒ කෑම ගෙදර අයත් එක්ක බෙදාගෙන කනවා අපිට පෙන්වුවා.

විශ්වි : ඒ විතරක් නෙමෙයි අම්මේ, ඒ තාත්තා එයාට ලැබුණු කෑම ගෙදර යන අතර මඟ දී එයාට හමුවන දුප්පත් පුංචි ළමයින්ටත් බෙදලා දුන්නා.

සදෙව් : ඒ වගේ ම, තමන්ට ලැබුණු ආහාර ගැන දෙවියන් වහන්සේට ස්තුති කරලා සතුටින් තමයි එයාලා රෑ කෑම කෑවේ.

විශ්වි : ඉතින් අම්මේ, දේවගැති තුමා අපට පැහැදිලි කළේ හැම කෙනකු ම තමන් ළඟ තියන දේ බෙදා ගන්න ඉදිරිපත් වෙන්න ඕනේ කියලා. බෙදා ගැනීමට අපේ අගහිඟකම් හේතුවක නොවෙයි කියලා අපට ඉගැන්නුවා. අප සතු දේ බෙදා ගන්නවා නම් මේ ලෝකේ අගහිඟකම් කාටවත් ඇති වෙන්නේ නැහැ කියලා තමයි දේවගැති තුමා කීවේ.

අම්මා : ඒක නම් ඇත්ත තමයි. පුතාලා දන්නවා ද, අතීතයේ අපේෙ කිතුනු සභාව තුළත් කිසි ම හිඟකමක් තිබුණේ නැහැ. එයට හේතුව තමයි ඔවුන් ළඟ තිබුණු ඛෙදා ගැනීමේ ගුණාංගය.

අප සතු දේ බෙදා ගැනීමේ අවශ්‍යතාව ඉහත සංවාදයට අනුව ඔබට වැටහෙන්නට ඇති. පෙන්තකොස්ත දින ශුද්ධාත්ම ආගමනයෙන් පසු ශුද්ධ වූ සභාවේ සංඛ්‍යාව වර්ධනය විය. එසේ මුල් කිතුනු සභාව තුළ ඔවුන් සතු දේ බෙදාගත් ආකාරය ශුද්ධ බයිබලයේ ක්‍රියා පොතේ 2 : 42 - 47 දක්වා මෙසේ විස්තර කර ඇත.