ශු. මාක් 10 : 13 - 16

ජුදා සමාජයේ ළදරුවන් එතරම් පිළිගැනීමට ලක් නොවු කාලයක ජේසුස් වහන්සේ ළදරුවන්ට ඉමහත් ප්‍රේමයක් දැක්වු සේක. එලෙස උන්වහන්සේ ළදරුවන් පිළිගත් අවස්ථාවක් පහත සිද්ධිය තුළින් විමසා බලමු.

දිනක් දෙමවුපියෝ තම ළදරුවන් පිට අත් තබා ආශීර්වාද කර ගන්නා පිණිස ජේසුස් වහන්සේ වෙත ගෙනාවෝ ය. එවිට,

ශ්‍රාවකයන් ළදරුවන් සමග පැමිණි දෙමවුපියන්ට තමන් වහන්සේ ළඟට ඒමට ඉඩ නොදුන් ආකාරය ජේසුස් වහන්සේ දුටු සේක. උන්වහන්සේ ශ්‍රාවකයන් කතා කළ අන්දම ගැන අමනාප වී ළදරුවන් තමන් වහන්සේ වෙතට කැඳවා මෙසේ පැවසූ සේක.

ජේසුස් වහන්සේ තමන් කරා පැමිණි දරුවන් තුරුලූ කරගෙන ඔවුන් මත අත් තබා ආශීර්වාද කළ සේක. මෙලෙස ජේසුස් වහන්සේ ළදරුවන්ට බොහෝ සේ ආදරය කළ සේක.

අද සමාජයේ දරුවන් ප්‍රතික්ෂේප කරන අවස්ථා හා දරුවන්ට හිරිහැර කරන අවස්ථා අපට අසන්නට ලැබේ. එහෙත් වර්තමානයේ දරුවන් සුරැකීමට "ළමා ප්‍රඥප්තිය" ක්‍රියාත්මක වේ. එමඟින් දරුවන් සුරැකීමට, ආදරයෙන් රැක බලා ගැනීමට කටයුතු කෙරේ. ජේසුස් වහන්සේ එදා දරුවන්ට දැක්වූ ආදරය, අද ද සමාජය තුළ පවතියි. මෙසේ ජේසුස් වහන්සේ දරුවන් වටිනා බවත්, සුරැකිය යුතු බවත් පෙන්වා දෙමින් දරුවන්ට ප්‍රේම කරමින් ඔවුන් ආදරයෙන් පිළිගත් සේක.

ඔබ වටිනා කෙනකු බව දෙවි පියාණන් වහන්සේ දන්නා සේක.
උන්වහන්සේ ඔබට ආදරය කරන සේක!