දෙවියන් වහන්සේ ලෝකයේ මැවුම්කරුවාණෝ ය. අපට ඇති අසීමිත ආදරය නිසා ආශ්චර්යමත් හා විවිධත්වයෙන් යුත් දේව මැවිලි අපට ලබා දී ඇත. එම නිසා දේව මැවිල්ලට අපි ආදරය කළ යුතු වෙමු.

තම වචනයේ බලයෙන් දෙවියන් වහන්සේ ලෝකය මැවූ අයුරු ශුද්ධ බයිබලයේ උත්පත්ති පොතේ සඳහන් වේ. එම බයිබල් පාඨ කියවා බලමු.

දවාල හා රාත්‍රිය

අහස හා ජලය

ගොඩබිම හා ගස් කොළන්                             ඉර, හඳ හා තාරකා

පක්ෂීන් හා මසුන්                                     සතුන් හා මිනිසා

ඉහතින් දක්වා ඇති ශුද්ධ බයිබලයේ උත්පත්ති පොතේ පාඨයන්ගෙන් අපට දැනගත හැක්කේ, දෙවියන් වහන්සේ දින හයක් තුළ ලෝකය මැවූ බව ය. මේ සියලූ මැවිලි දේව නිර්මාණ බව ශුද්ධ බයිබලයේ ගීතාවලිය පොතේ 104 පරිච්ඡේදයෙන් ද අපට පැහැදිලි කර දෙයි.

දෙවියන් වහන්සේ මුළු විශ්වය නිර්මාණය කිරීමේ දී මිනිසාගේ සියලූ අවශ්‍යතා ගැන සැලකිලිමත් වූ සේක. එදිනෙදා ජීවිතය පවත්වා ගෙන යාමට අවශ්‍ය දෑ මැවිල්ල තුළ ඇති කළ සේක. මිනිසාට ජීවත් වීමට අවශ්‍ය පරිසරය ද ලබා
දුන් සේක.

දෙවියන් වහන්සේගේ උතුම් ම මැවිල්ල වූ අපි, සැම විට ම දේව මැවිල්ල අගය කිරීමට අදිටන් කර ගනිමු. මේ උතුම් වූ ලෝකය මවා දුන් දෙවි පියාණන්ට තුති ප්‍රශංසා කරමු.