ඕනෑ ම රටක සුන්දරත්වයට සතුන්, ගහකොළ, ඇළදොළ ගංගා ආදිය හේතු වේ. අපේ රට ද සුන්දර පරිසරයකට හිමිකම් කියයි. එය අපට මහත් අභිමානයකි. ඩබ්ලියු. ඒ. අබේසිංහ විසින් රචනා කරන ලද මෙම නිර්මාණය අපේ රටේ සුන්දරත්වය ගැන කියැවෙන්නකි.
මල් රොනට බමරු වඩිනා
ලිය මඬුලූ නිබඳ නිලනා
ඇල් පවන ගිමන නිවනා
නිල් දෙරණ වාසනාවන්
ගල් කුළෙන් කුළට හැපෙනා
දුල් රිදී දියෙන් සොබනා
දිය කඳුරු ගලා බසිනා
නිල් දෙරණ වාසනාවන්
තුරු සිරස අරා සිටිනා
සොඳ බටිති මලිති නොමිනා
යස මිහිරි සින්දු කියනා
නිල් දෙරණ වාසනාවන්
කෙළි මතින ඉපිල පිහිනා
නෙක දණ්ඩි පැටව් නටනා
දිය කඩිති සිඳී නොයනා
නිල් දෙරණ වාසනාවන්