14 - අභිවෘද්ධි ආලේපය
ශුද්ධාත්මෙනි //// වස්වාලමින් ඔබේ වරම්
මා ජීවිතේ පුරවන් ඔබේ ආලෝකයෙන් //
පිරිපුන් ප්‍රේමය තුළ වැඩ වසනා ශුද්ධාත්මෙනි,
සත්වරමින් අප පොහොනි කරනු මැන ශුද්ධාත්මෙනි
ඔබ අභිමත අප සැලසුම් කළ මැන
ආලෝකය වී යනෙනා මග දිග
ශුද්ධාත්මෙනි ..........
ජීවිත මග පහදා දෙනු මැන සමිඳුනේ;
දිය උල් බවිනුත් ගලවා ගනු මැන සමිඳුනේ
නැණ නුවනින් ඔබ ම වටහා දී
ආලෝකය වී අප දිවි ගමනට
ශුද්ධාත්මෙනි ..........
සත්‍ය විශ්වාසයේ අප ස්ථීර කොට පූර්ණ ක්‍රිස්තු භක්තිකයන් කිරීම පිණිස ශුද්ධාත්මයාණන් අප වෙත වැඩම කරවන විශේෂ දේව ප්‍රසාද නිධානය අභිවෘද්ධි ආලේපය යි. ප්‍රසාද ස්නාපනයේ දී අප තුළ ජනිත වූ විශ්වාසය පරිණත කරන්නේ අභිවෘද්ධි ආලේපය නමැති දේව ප්‍රසාද නිධානය යි.
ගැලවීමේ ඉතිහාසය තුළ අභිවෘද්ධි ආලේපය
"ශුද්ධාත්මයාණන් වහන්සේ" යන යෙදුම පුරාණ ගිවිසුමෙහි භාවිත කර නැත. ඒ සඳහා පහත සඳහන් යෙදුම් භාවිත කර ඇත.
ක්‍රිස්තුන් වහන්සේගේ ජීවිතය තුළ ශුද්ධාත්මයාණන් වහන්සේ
ජේසුස් වහන්සේ පිළිසිඳ ගත්තේ ශුද්ධාත්මයාණන් වහන්සේගේ ආනුභාවයෙනි.
දෙවියන් වහන්සේ ශුද්ධාත්මයාණන් වහන්සේ සීමා රහිත ව ජේසුස් වහන්සේ වෙත දානය කරන සේක. එසේ දානය කිරීමෙන් ජේසුස් වහන්සේට ප්‍රාතිහාර්ය පෑමට ද ධර්මය දේශනා කිරීමට ද ශක්තිය ලැබුණි.
පාස්කු ඉරු දින අපෝස්තුලූවරුන්ට ශුද්ධාත්ම දානය
පාස්කු ඉරු දින ජේසුස් ක්‍රිස්තුන් වහන්සේ අපෝස්තුලූවරුන්ට දර්ශනය වී ශුද්ධාත්මයාණන් වහන්සේගෙන් ඔවුන් ප්‍රාණවත් කළ සේක. අපට ප්‍රසාද ස්නාපනයේ දී ශුද්ධාත්ම වරම් ලැබෙන ලෙස ඔවුන්ට එදින ශුද්ධාත්ම වරම් ලැබුණේ විශ්වාසයේ ජීවිතයකට උපත ලැබීමට ය.
පෙන්තකොස්ත දවසේ ශුද්ධාත්ම දානය
අපෝස්තුලූවරු අන් අයට ශුද්ධාත්ම දානය
ප්‍රසාද ස්නාපනය සහ අභිවෘද්ධි ආලේපය සඳහා පිළිවෙත් දෙකක් අපෝස්තුලූවරුන්ගේ කාලයේ සිට පැවත ගෙන ආ බව පහත ශුද්ධ ලියවිලි පාඨ මගින් තහවුරු වේ.
ඔබ ශුද්ධාත්මයාණන් වහන්සේ ලබා ගැනීමට යන බැවින් දිනපතා ම ශුද්ධාත්මයාණන් වහන්සේට යාච්ඤා කරන්න. නිරතුරු ව ම ශුද්ධාත්මයාණන් වහන්සේගේ පිහිට අයදින්න. ඔබගේ ජීවිතයෙන් ශුද්ධාත්මයාණන් වහන්සේ අත් දකින්න. යාච්ඤා කිරීමෙන් ශුද්ධාත්ම දීමනා අපට ලබා ගත හැකි වේ. අභිවෘද්ධි ආලේපය ලබා ගැනීම මගින් අප පරිණත කිතුනුවන් බවට පත් වේ.