මෙම පාඨය හොඳින් කියවා, මොහොතක් මෙනෙහි කරන්න. එයින් කියැවෙන දෑ පිළිබඳ සිතන්න.

දෙවියන් වහන්සේ අති ශුද්ධවන්ත වන සේක. තමන් වහන්සේ කෙරෙහි විශ්වාසය තබන්නන්ට තම නාමය එළිදරව් කරන සේක. දෙවියන් වහන්සේගේ නාමය ද අති ශුද්ධවන්ත ය. එබැවින් ඔවුන් වහන්සේගේ නාමය ගෞරවයෙන් භාවිත කළ යුතු ය. ආශීර්වාද කිරීමට, ප්‍රශංසා කිරීමට, යාච්ඤා කිරීමට හෝ මහිමයට පත් කිරීමට හැර අනවශ්‍ය ලෙස දේව නාමය උච්චාරණය නොකළ යුතු ය. දස පනතේ දෙවන පනතෙන් පෙන්වා දෙනුයේ, දෙවියන් වහන්සේගේ ශ්‍රී නාමය නිගරු ලෙස භාවිත නොකළ යුතු බව යි. දේව නාමය උච්චාරණය කරන විට එය භක්තියෙන් හා ගෞරවයෙන් කළ යුතු ය.

පුරාණ ගිවිසුමේ ඉගැන්වීම්

පූරාණ ගිවිසුමේ දිවුරුම අනුමත කර ඇති බව ඉහත සඳහන් ශුද්ධ බයිබල් පාඨවලින් පැහැදිලි වේ.

ක්‍රිස්තුන් වහන්සේගේ ඉගැන්වීම

මෙම ශුද්ධ ලියවිලි පාඨයෙන් අපට පෙන්වා දෙන්නේ දිවුරීම ක්‍රිස්තුන් වහන්සේ තරයේ ම හෙළා දකින බවයි.

පාවුලූ තුමාගේ ඉගැන්වීම

මෙයින් පාවුලූ තුමා දිවුරුම අනුමත කරන බව පැහැදිලි වේ.

බයිබලීය ඉගැන්වීම ද සලකා බලා ශුද්ධ වූ සභාවේ ඉගැන්වීම මෙසේ ඉදිරිපත් කරයි.

දිවුරුම පිළිබඳ ශුද්ධ වූ සභාවේ ඉගැන්වීම්

නීතිය ඉදිරියේ තමන් පවසන දේ සත්‍යය බව දන්නෙහි නම්, එවන් අවස්ථාවක දිවුරිය හැකි ය. එනම් බරපතල කරුණක දී දිවුරුම් දිය හැකි බව ශුද්ධ වූ සභාව උගන්වන අතර, එවන් අවස්ථාවක සත්‍යය පමණක් ප්‍රකාශ කළ යුතු ය. බොරු පොරොන්දු නොදිය යුතු ය. එය දෙවන පනතට විරුද්ධ පාපයකි.

දස පනතේ අට වන පනත වන "බොරු සාක්ෂි නොකියව" පනතට අනුව ද බොරු කීම තහනම් කර ඇත. යම් දෙයක් නොදැන ඒ පිළිබඳ ව සාක්ෂි දැරීම දේව පනතට විරුද්ධ ව යාමකි.

බාරහාර පිළිබඳ ශුද්ධ වූ සභා ඉගැන්වීම

බාරයක් යනු දෙවියන් වහන්සේට ප්‍රසන්න අමතර යමක් කරන්නට ස්වකීය කැමැත්තෙන් ම දෙන පොරොන්දුවකි. එම නිසා බාරයක් විය යුත්තේ පූර්වයෙන් ඒ පිළිබඳ ව හොඳින් සිතා මතා ය. බාරයක් කඩකිරීම බරපතල වරදක් විය හැකි ය.

වර්තමානයේ දී බාරය යම් ගනුදෙනුවක් නැතිනම් අල්ලස් දීමක් බවට පත් ව ඇත. එනම්, 'ඔබ යමක් දෙන්නේ නම් මමත් ඔබට යමක් දෙමි' යන තත්ත්වයට පත් වූවකි. බාරහාර දෙවියන් වහන්සේ සමග කරන ගනුදෙනුවක් නොවේ. දෙවියන් වහන්සේගේ අයිතිය දෙවියන් වහන්සේට පවරා දීමකි. මෙය උත්තරීතර ආකල්පයකි. බාර ඔප්පු කිරීමේ දී ඔප්පු කරන්නාගේ ආකල්පය වැදගත් වේ. යම් පුද්ගලයෙකුට දෙවියන් වහන්සේ ලබා දුන් දෙයකට හද පත්ලෙන් ම කළගුණ සැලකීමක්, ප්‍රීතිය පළ කිරීමක් , ප්‍රශංසා කිරීමක් හෝ විශ්වාසය ප්‍රකාශ කිරීමක් වශයෙන් යමක් ඔප්පු කරන්නේ ද යන්න සිතා බැලිය යුතු ය.

අපට කළ හැකි යහපත් දෑ

• දේව නාමය ගෞරවයෙන් භාවිත කරන්න.
• අප අන් අයට දුන් පොරොන්දු ඉටු කර ඒවාට විශ්වාස පක්ෂ විය යුතු ය.