8 පාඩම, දැහැමි බව රැකි නිරිඳු බිම්සර (ඉගැන්වීම් උපකාරක කෙටි සටහන්)

මගධාධිපති බිම්බිසාර මහ රජතුමා මගධ රාජ්‍යයේ පාලකයා විය.

මිත්‍රශීලී පාලකයෙක්

හෙතෙම සුද්ධෝදන රජතුමා ඇතුලු අනෙකුත් අසල්වැසි රාජ්‍යයන් සමග මිත්‍රශීලීව ක්‍රියා කළ දක්ෂ පාලකයෙක් විය.

සැදැහැති උපාසකයෙක්

බුදු වීමට පෙර බිම්බිසාර රජතුමා විසින් කළ ආරාධනයට අනුව බුදුරජාණන් වහන්සේ ප්‍රථමයෙන් මගධ රාජ්‍යයට වැඩම කළ අතර එහිදී දහම් අසා බිම්බිසාර රජතුමා සෝවාන් විය.

සැදැහැති උපාසකයෙකු වූ බිම්බිසර රජතුමාගේ අපේක්ෂා 5 ක් ඉටු වූ බව හෙතෙම බුදුරදුන්ට දැන්වූවේය.
ඒවා නම්,

1. මගධයෙහි රජ වීම.

2. බුදුරජාණන් වහන්සේ මගධයට වැඩම කරවා ගැනීම.

3. දහම් ඇසීම.

4. බුද්ධෝපස්ථාන කිරීම.

5. ධර්මාවබෝධය ලබා ගැනීම.

කුලුපග දායකයෙක්

බිම්බිසාර රජතුමා විසින් බුදු සසුනේ ප්‍රථම ආරාම පූජාව වශයෙන් වේළුවනාරාමය කරවා මහා සංඝරත්නයට පූජා කළේය.

බුදුරජාණන් වහන්සේ දෙවන, තෙවන, සිව්වන, දාහත්වන හා විසිවන වස් කාලයන් වේළුවනාරාමයේ වැඩ විසූ සේක.

කල්‍යාණ මිත්‍රයෙක්

පුක්කුසාති නම් මල්ල රජුද, රූපයෙන් මත්ව සිටි ඛේමා බිසවද බිම්බිසාර රජුගේ මග පෙන්වීම නිසා තෙරුවන් සරණ ගියහ.

වගකීම් ඉටු කළ රාජ්‍ය නායකයෙක්

විශාලා මහනුවර තුන්විය දුරු කිරීමට බුදුරජාණන් වහන්සේ විසින් රතන සූත්‍රය දේශනා කළ අතර, එයට අවශ්‍ය කටයුතු සම්පාදනය කළේ බිම්බිසාර රජතුමා විසිනි.

කාරුණික පියෙක්

සිය පුත් අජාසත් කුමරුගෙන් රජුගේ ජීවිතයට තර්ජනයක් එල්ල වුනු අවස්ථාවකදී පවා ඉවසීමෙන් යුතුව අජාසත් කුමරුට රාජ්‍ය පවරා දීමට තරම් බිම්බිසාර රජු කාරුණික විය.

දයාබර බිරිඳක් ලද සැමියෙක්

රජු සිරගතව සිටින විටදී විටෙක කෙස් කලඹෙහිද, විටෙක මිරිවැඬි සඟලෙහිද, තවත් විටෙක ශරීරයෙහි තවරාගෙනද බිම්බිසාර රජු වෙත ආහාර ගෙන යෑමට තරම් කෝසල දේවිය දයාබර බිරිඳක් වූවාය.

කර්ම විපාක ලද රජෙක්

ශාසනයේ උන්නතියට මහඟු මෙහෙවරක් කළ බිම්බිසාර ජරතුමාට පෙර කළ අකුසල කර්මයක් නිසා මහත් දුක් විඳ සිරගෙය තුලදීම මිය යාමට සිදු විය.

අභ්‍යාස:-

1. පෙළ පොතේ ක්‍රියාකාරකම් අංක 1, 2, 3 කරවන්න.