ඩිජිටල් කරණය වූ මුදල් භාවිත

ඩිජිටල් මුදල් (digital money $emoney),නැතහොත් ක්‍රිප්ටොකරන්සි (cryptocurrency) වර්ග අතර වර්තමානයේ ඉතා ප්‍රචලිතව තිබෙන බිට්කොයින් (bitcoin) , සාම්ප්‍රදායික මුදල් ඒකක වෙනුවට අන්තර්ජාලය හරහා ගනුදෙනු කිරීම පිණිස පමණක් භාවිතා කළ හැකි මුදල් වර්ගයකි.

මෙම මුදල් ඒකකය සම්පුර්ණයෙන්ම සංසරණය වන්නේ අන්තර්ජාලය තුළය.මෙය රුපියල්,ඩොලර්,පවුම්,යුරෝ වැනි තවත් මුදල් ඒකකයක් වුවද bitcoin වල හැසිරීම පාලනය කිරීමට බැංකුවක්,පුද්ගලයෙක් හෝ ආයතනයක් නැත.

එය දිනෙන් දින වැඩිවන මුදල් අවශ්‍යතා පාලනය කිරීම පිණිස නිර්මාණය කරගන්නා ලද මුදල් ඒකකයකි.bitcoin එයටම අනන්‍ය වූ ජාලයක් තුල සැරිසරන අතර,මෙම මුදල් වර්ගය පරිහරණය කරනු ලබන්නේ එම ජාලයේ පරිශීලකයන් විසිනි.

Bitcoin පිළිබද ප්‍රථම යෝජනාව ඉදිරිපත් කළේ සතොෂි නකමොටෝ (sathoshi nakamoto) නම් මෘදුකාංග ඉංජිනේරුවරයා,මෙම අන්තර්ජාලයෙන් ගනුදෙනු කළ හැකි මුදල් ඒකකයක් ලෙස 2009 වර්ෂයේදී හදුන්වා දුන්නේය.

පාලනාදිකාරියකට යටත් නොවී මුදල් භාවිත කිරීම මෙහි මුලික අරමුණ විය.ඒ පිළිබද උනන්දුවක් දක්වන ලොව පරිගණක විද්‍යාඥයන් සහ තොරතුරු ආරක්ෂණ විශේෂඥයන් මෙය ක්‍රියාත්මක වන bitcoin source code ජාලය පිලිබදව නිරන්තරයෙන් අවදානයෙන් පසු වන බව වාර්තා වේ.මෙය ව්‍යාපාරික ලෝකයේ නවතම ආයෝජන රැල්ල ලෙස ද හදුන්වා දිය හැකිය.

• Bitcoin මෘදුකාංග පිටපත් කළ හැකිද?

ලෝකයේ අවදානය දිනාගත් මෙම ඩිජිටල් මුදල් වර්ගය ඉතා සංකීර්ණ මෘදුකාංගයක් වීම හේතුවෙන් එය පිටපත් කිරීම සහ ව්‍යාජ ලෙස නිපදවීම කළ නොහැකි බව විශේෂඥයන්ගේ මතය වී තිබිණ.එහෙත් පසුගිය සතියේ ස්ලෝවේනියානු bitcoin ජාලයකට අනවසරයෙන් ඇතුල් වූ හැකර් වරුන් bitcoin 4700 ක් සොරා ගෙන ඇති අතර එහි වටිනාකම ආසන්න වශයෙන් ඇමරිකානු ඩොලර් මිලියන 80 ක් පමණ වන බව වාර්තා වේ.මෙම මහා සොරකම මගින් bitcoinවල වටිනාකම් පහළ වැටිය හැකි බවට අනාවැකි පළ වුවත් ,ඉන් අනතුරුවත් දිනෙන් දින එහි අගය ඉහළ යාම පිලිබදව ලොව ආර්ථික විශේෂඥයෝ විශ්මය පළ කරති.

• ගබඩා කරන්නේ කෙසේද?

එදිනෙද සිදු කරන මුල්‍යමය ගනුදෙනු පිණිස අවශ්‍ය මුදල් අප බොහෝ විට රදවා තබා ගන්නේ පසුම්බියකය.එම සරල අදහස ඩිජිටල්කරණය වී,මෘදුකාංගයකින් නිර්මාණය කළ පසුම්බියක bitcoin රදවා තබා ගත හැකිය.

මෙය bitcoin wallet ලෙස හදුන්වනු ලැබේ.එය ‘ඇප්’(app) එකක් වන අතර එම bitcoin wallet සේවාවන් ලබාදෙන ආයතන සහ සංවිදාන මේ වන විට ලෝකය පුරා විශාල ප්‍රමාණයක් ආරම්භ කර තිබේ.

ඒ අතරින් සිය ආයෝජනය සදහා විශ්වසනීය ආයතනයක් තෝරා ගැනීම පාරිභෝගිකයා සතු වගකීමකි,කිසිවෙකු bitcoin වලින් ගනුදෙනු කිරීම ආරම්භ කළ පසු ඒ සියලු ගනුදෙනු පිළිබද විස්තරාත්මක සටහන් මෙම bitcoin wallet හි සදහන් වේ.

• Bitcoin මිලදී ගන්නේ කෙසේ ද?

ක්‍රෙඩිට් කාඩ් පත භාවිත කරමින් bitcoin මිලදී ගත හැකි වුවත්,මේ වන තුරු ශ්‍රී ලංකාවට එම පහසුකම ලබාදී නැත.මේ හේතුවෙන් ශ්‍රී ලාංකික ආයෝජකයෙකුට දැනට bitcoin මිලදී ගත හැකි වන්නේ ඒවා හුවමාරු කරන (exchange) ආයතනයක් හෝ සංවිදානයක් හරහා පමණි.

ඩිජිටල් මුදල් වලට ඇති ඉතා ඉහළ ඉල්ලුම හේතුවෙන් පැය ගණනක් ඇතුළත bitcoin වල වටිනාකම ඉහළ ගිය අවස්ථා දැකිය හැකි විය.වරක් bitcoin එකක මිල ඇමරිකානු ඩොලර් 18,000 ක් ලෙස වාර්තා වුවත් පසුව එම අගය නැවත ඇමරිකානු ඩොලර් 13,963 දක්වා පහත වැටි ඇති බව දකින්නට ලැබිණ.

(මෙය උපුටා ගැනීමකි)