පසුගිය විභාග සහ අනුමාන බහුවරණ ප්‍රශ්න - 1 කොටස
01. කැතෝඩ කිරණ පරිගණක තිර (CRT – Cathode Ray Tubes) සමග සන්සන්දනය කරන විට ද්‍රව ස්ඵටික (LCD – Liquid Crystal Display) තාක්ෂණයෙන් සමන්විත පරිගණක තිර වල දක්නට ලැබෙන ලක්ෂණයක් නොවන්නේ,
- අඩු ඉඩ ප්‍රමාණයක් ප්‍රමාණවත් වීම (Less Space)
- ඉතා අඩු විදුලි පරිභෝජනය (Less Power Consumption)
- ප්‍රතිචාර දැක්වීමට වැඩි කාලයක් ගතවීම
- සාපේක්ෂව මිල අධික බව (Expensive)
- තිරයේ සෙලවීම අඩු බව (Lack of Flicker)
02. සංදර්ශකයක ගුණාත්මක භාවය තීරණය කරන සාධකයක් වන ‘තිරයේ ඒකකයක් තුල පිළිබිඹු කල හැකි පික්සල ගණන’ හඳුන්වන නාමය වන්නේ,
- රූප අංග ගණන
- විකිරණය (Radiation)
- විභේදනය (Resolution)
- වර්ණ ගණන
- පික්සලය (Pixel)
03. ඝට්ටනය භාවිතයෙන් මුද්‍රණය කරන මුද්‍රණ යන්ත්‍රයක් වනුයේ,
- තිත් න්‍යාස මුද්‍රණ යන්ත්‍රය ( Dot Matrix Printer )
- තීන්ත පිහිරි මුද්‍රණ යන්ත්‍රය ( Ink Jet Printer )
- බුබුළු පිහිරි මුද්‍රණ යන්ත්‍රය ( Bubble Jet Printer )
- ලේසර් මුද්‍රණ යන්ත්‍රය ( Laser Printer )
- තාප සංවේදී මුද්‍රණ යන්ත්‍රය (Thermal Printer)
04. මුද්‍රණ යන්ත්‍ර මගින් මුද්‍රිත පිටපත් ලබා ගැනීමේදී සැලකිලිමත් විය යුතු කරුණක් නොවන්නේ,
- දෘඩ පිටපතේ ගුණාත්මක බව
- පිටපතක් සඳහා දැරිය යුතු වියදම
- පිටපතක් සඳහා ගතවන කාලය
- මුද්‍රණ යන්ත්‍රයේ නිර්මාණ තාක්ෂණය
- භාවිතයේදී නගන ශබ්දය
05. සසම්භාවී පිවිසුම් මතකය ( RAM – Random Access Memory) සම්බන්ධයෙන් අසත්‍ය ප්‍රකාශය වන්නේ,
- පරිගණකයේ ප්‍රධාන මතකය (Main Memory) ලෙස ක්‍රියා කරයි.
- පරිගණකයක් පණ ගැන්වීමේ දී උපකාරී වේ.
- සැකසීමට භාජනය වීමට පෙර දත්ත හා උපදෙස් තාවකාලිකව රඳවා තබා ගනියි.
- මෙහි ඇති දත්ත, උපදෙස් සහ තොරතුරු විදුලිය විසන්ධි වීමත් සමගම හෝ පරිගණකය වසා දැමූ විට නැතිවී යයි.
- නෂ්‍ය නොවන (Non - Volatile) මතක වර්ගයකි.
06. පඨන මාත්‍ර මතකය (ROM – Read Only Memory) සම්බන්ධයෙන් සත්‍ය ප්‍රකාශය වන්නේ,
- තාවකාලික මතකයකි.
- මෙහි ඇති උපදෙස් විදුලිය විසන්ධි වීමත් සමගම හෝ පරිගණකය වසා දැමූ විට නැතිවී යයි.
- මේවායෙහි ගබඩා කර ඇති උපදෙස් ජීවාංග නම් වේ.
- නෂ්‍ය නොවන මතකයකි (Non – volatile memory).
- පරිගණකය බල ගැන්වීමේදී හෝ ආරම්භයේ දී පරිගණක මතකයට ලබා දිය යුතු උපදෙස් මාලාවකි.
07. ආචයන උපාංග (Storage Devices) සම්බන්ධයෙන් අසත්‍ය ප්‍රකාශය වන්නේ,
- දත්ත ස්ථීරවම ගබඩා කරන මාධ්‍ය වේ.
- ද්විතීයක ආචයන මතක (Secondary Storage Devices) ලෙස හැඳින්වේ.
- දත්ත ගබඩා කිරීම සඳහා චුම්භක තාක්ෂණය පමණක් භාවිතා වේ.
- පරිගණකයේ දත්ත, උපදෙස් ගබඩා කරන ප්‍රධාන ආචයන උපාංගය වන්නේ දෘඩ තැටියයි.
- ගබඩා කරනු ලබන දත්ත පසු අවස්ථා වලදී නැවත නැවත කියවීම සහ වෙනස් කිරීම සිදු කළ හැකිවේ.
08. බාහිර ආචයන උපාංගයක් (Secondary Storage Device) නොවන්නේ,
- සසම්භාවී පිවිසුම් මතක මොඩියුල
- දෘඩ තැටිය (Hard Disk)
- සංඛ්‍යාංක බහුවිධ තැටිය (DVD – Digital Versatile Disk)
- මතක කාඩ්පත් (Memory Cards)
- නම්‍ය තැටිය (Floppy Disk)
09. දත්ත ගබඩා කිරීමේ (Storage) දී / සමුද්ධරණය (Retrieve) සඳහා භාවිතා වන මාධ්‍ය අතුරින් චුම්භකිත මාධ්‍ය භාවිතා කරනු ලබන උපාංගයක් නොවන්නේ,
- දෘඩ තැටිය (Hard Disk)
- නම්‍ය තැටිය (Floppy Disk)
- සංඛ්‍යාංක බහුවිධ තැටිය (DVD – Digital Versatile Disk)
- චුම්භකිත පටි ධාවක (Magnetic Tape Drives)
- ඉහත කිසිවක් නොවේ.
10. 8 වන ශ්‍රේණියේ අවසාන ලකුණු වාර්තාව පිළියෙල කර අවසාන වූ ගුරු මහත්මිය, පන්තියේ පළමු වැනියා නිමල්කා බව සියළුම සිසුන් කැඳවා ප්‍රකාශ කළාය. මෙම තොරතුරෙහි උපරිම වටිනාකම නිමල්කාට ලැබුනේ කවර මොහොතේද? (Model Paper 2013)
- පාසලේ ත්‍යාග ප්‍රධානෝත්සවයේ දී නිමල්කාගේ නම ප්‍රකාශ වු මොහොතේ
- පන්තියේ පළමු වැනියා නිමල්කා බව ගුරු මහත්මිය සිසුන්ට මුලින්ම පැවසූ මොහොතේ
- පන්තියේ පළමු වැනියා නිමල්කා බව දෙමව්පියන් දැනගත් මොහොතේ
- මිතුරියන් නිමල්කාට සුභ පැතූ මොහොතේ
- නිමල්කාගේ මව ඇයට ත්‍යාගයක් පිරිනැමූ මොහොතේ
විවරණය සහ පිළිතුරු පසු ලිපි මගින් බලාපොරොත්තු වන්න.
