අධ්යාපන ලෝකයට
ඔබේ දැනුම වර්ධනය කරගන්නා ගමන අදම අරඹන්න. නව තාක්ෂණය සමඟ පෙරට යන්න.
සාදරයෙන් පිළිගනිමු!
ඇතුලත් වීමට ඔබගේ ගිණුමේ තොරතුරු ලබා දෙන්න
“දෙවියන් වහන්සේ එක් කළ අය මනුෂ්යයා වෙන් නොකෙරේවා! (මාක් 10:9)”
විවාහය යනු ස්වාමි පුරුෂයා හා භාර්යාව එකිනෙකාට අන්යොන්ය ව කැපවෙන අවලංගු කළ නොහැකි ගිවිසුමකි. ස්ත්රියක හා පුරුෂයකු නිදහස් කැමැත්තෙන් ඇතුළු වන මෙම ගිවිසුම යාවජීව සහකාරකමකි (මතෙව් 19:6). එම නිසා එක් පාර්ශවයක් හෝ දෙදෙනා ම හෝ කුමන අවස්ථාවක දී හෝ එම කැමැත්ත අස්කර ගත්තත් විවාහ ගිවිසුම එලෙස ම පවතියි.
දරු සම්පත සමිදාණන්ගෙන් ලැබෙන දයාදයකි. ඒ සම්පත එතුමන්ගෙන් ලැබෙන ඉමහත් ආශිර්වාදයකි. (ගීතාවලිය 127:3)
විවාහයේ බාහිර සලකුණු වනුයේ විවාහ පොරොන්දුව යි.
ආශිර්වාදකාර බන්ධනය දානය කරනු ලබන්නේ විවාහ අපේක්ෂක යුවළ විසින් එකිනෙකාට ය. පූජාප්රසාදිතුමා සභාවේ නිල සාක්ෂිකරුවා ය. එතුමා ක්රිස්තුන් වහන්සේගේ දෘෂ්යමාන නියෝජිතයා වශයෙන් දෙවියන් වහන්සේගේ ආශිර්වාදය දානය කරයි. එබැවින් විවාහය දෙවි සමිදාණන් ඉදිරියේ සිදුවන උත්තරීතර එක්වීමකි (කොරි 7:10).
ප්රසාද ස්නාපනය ලැබූ දෙදෙනෙකු අතර සිදු වන විවාහ ගිවිසුම දේව ප්රසාද නිධානයකි. එවැන්නක් අවලංගු කළ නොහැකි ය.
මිනිසෙක් තමාගේ පියා ද මව ද අතහැර සිය භාර්යාවට ඇලුම් වන්නේ ය. ඒ දෙදෙනා එක් කෙනෙක් වන්නෝ ය. මෙය මහා අභිරහසකි. මට හැඟෙන පරිදි එය අදාළ වන්නේ ක්රිස්තුන් වහන්සේට සහ සභාවට ය. එහෙත් එය පෞද්ගලික වශයෙන් ඔබටත් අදාළ වන්නේ ය. හැම පුරුෂයෙකු ම තමාට මෙන් තම භාර්යාවට ප්රේම කළ යුතු ය. හැම භාර්යාවක් ම තම ස්වාමි පුරුෂයාට ගෞරව දැක්විය යුතු ය. (එපීස 5:31-33)
ශ්රී ලංකා ජනරජයේ නීතිරීති අනුව සියලු ම විවාහ රජයේ ලියාපදිංචි කළ යුතු ය. මේ අනුව දේවස්ථානවල පැවැත්වෙන කතෝලික විවාහ ද රජයේ ලේඛනවල ලියාපදිංචි කරනු ලැබේ.
එසේ කරනු ලබන්නේ මිසම් භාර පියතුමන් විසිනි. එතුමන්ට රෙජිස්ටාර් වශයෙන් ක්රියා කරන්නට අවසරය ලැබී ඇත. මෙම ලියාපදිංචි කිරීම දේව ප්රසාද නිධානයට අදාළ වන්නේ නැත. එය වැදගත් වන්නේ සිවිල් අයිතිවාසිකම් සඳහා පමණි.
රජයේ ලියාපදිංචි වී ඇතත් නැතත් දේවස්ථානයක සිදු කරන විවාහ, දේව ප්රසාද නිධානයක් සැටියට සදහටම වලංගු ය. එහෙත් රජයේ නීති රීති උල්ලංඝනය නොවන පිණිසත් තමන්ගේ දේපළ ඉඩකඩම් පිළිබඳ අයිතිය සුරැකෙන පිණිසත් රජයේ ලියාපදිංචි කළ යුතු ය.
කතෝලික නොවන පූජකවරයකු ඉදිරියේ හෝ රෙජිස්ටාර්වරයකු ඉදිරියේ හෝ විවාහ වීමට කතෝලිකයනට අවසර නොමැත. එවැනි විවාහයක් දේව ප්රසාද නිධානයක් නොවේ.
කතෝලික සභාව තුළ දික්කසාදයක් නොමැත. මන්ද වලංගු විවාහයක් අවලංගු කිරීමේ හැකියාව ශුද්ධ වූ සභාවට පවා නොමැත. එය දෙවියන් වහන්සේ ඉදිරියේ කළ ගිවිසුමකි. එහෙත් ඇතැම් අවස්ථාවල දී සභා අධිකරණයක දී කරන විභාගයක් අවසානයෙහි ඇතැම් විවාහ සිදු වී නොමැති බවට ප්රකාශ කරයි. එසේ ප්රකාශ කරන්නේ නිදහස් කැමැත්ත නොමැති ව සිදුකළ විවාහ සම්බන්ධයෙන් හා විවාහයට නීත්යානුකූල බාධාවක් පවතින විට එයට නිසි අවසරයක් නොගෙන කළ විවාහ සම්බන්ධයෙන් පමණි.
කතෝලික විවාහ ජීවිතය සාර්ථක කර ගැනීම සඳහා;
මෙසේ ඔව්හු එවක් පටන් දෙදෙනකු නොව එක් කෙනෙක් වෙති.
(මතෙව් 19:6)