කාර්මික විප්ලවය

19 හා 20 වන සියවස් වලදී යන්ත්‍රෝපකරණ හදුන්වා දීම නිසා විද්‍යාමාන වූ සුවිශේෂී ගතිලක්ෂණ මාලාවක් තමයි කාර්මික විප්ලවය කියන්නේ. මේ විප්ලවය මුලින්ම ඇති වුනේ බ්‍රිතාන්‍යයෙයි ඒ අනුව ක්‍රි.ව.1760 – 1830 අතර කාලයේ දී කාර්මික විප්ලවය බ්‍රිතාන්‍ය තුල හට ගෙන තියෙන්නේ.මේ කාලය තුල දී බ්‍රිතාන්‍යයේ ආර්ථිකය කෘෂි අංශයේ සිට කාර්මික අංශය දක්වා ව්‍යුහාත්මකව වෙනස් වුණා.බ්‍රිතාන්‍යයේ ඇති වූ කාර්මික විප්ලවයට එරට ඇති වූ කෘෂිකාර්මික විප්ලවය ද පිටුවහලක් වෙලා තියෙනවා.කාර්මීකරණය සදහා අවශ්‍ය ශ්‍රම සැපයුමත් ප්‍රාග්ධන සම්පාදනයත් කෘෂි අංශයෙන් සැපයුණු අතරම කාර්මික නිෂ්පාදන සදහා අවශ්‍ය ඉල්ලුම හා වෙළදපොල ද කෘෂි අංශයෙන්ම සැපයුනි.කාර්මික විප්ලවය පේෂ කර්මාන්තය ඇසුරු කරගෙන තමයි මුලින්ම ඇති වුනේ.රෙදිපිළි නිෂ්පාදන ආශ්‍රයෙන් බ්‍රිතාන්‍යයේ කාර්මික කටයුතු ඇරබුන ද පසුව එය ගල්  අගුරු, යකඩ හා වානේ කර්මාන්ත දක්වා ව්‍යාප්ත විය.මෙම නිසා තාක්ෂණික නව උත්පාදන හදුන්වා දීමේ ප්‍රථම රට බවට පත් විය.දුම්රිය තාක්ෂණයේ ද නියමුවා බ්‍රිතාන්‍ය වන අතර එය කාර්මික විප්ලවය තුලින් බ්‍රිතාන්‍ය දියුණු කල සුවිශේෂී තාක්ෂණයක් වශයෙන් සැලකේ.

කාර්මික විප්ලවය එංගලන්තයේ මුලින්ම ඇති වීමට හේතු:

1.වැඩවසම් ක්‍රමය අනෙකුත් යුරෝපා රටවලට වඩා මුලින්ම එංගලන්තයේ බිද වැටීම.

2.එංගලන්තයේ ටියුඩර් රජු යටතේ වූ දේශපාලන ස්ථාවරභාවය

3.ලිබරල්වාදී දේශපාලන දර්ශකය

4.ඒකාධිකාරිය වැලැක්වීම, වෙළද ලකුණු නියම කිරීම වැනි රාජ්‍ය ප්‍රතිපත්ති අනුගමනය කිරීම

5.එංගලන්තය සතු වූ යටත් විජිත නිසා පුළුල් වෙළදපලක් බිහි වීම

6.යටත් විජිත වලින් කර්මාන්ත වලට අවශ්‍ය අමුද්‍රව්‍ය ලැබීම හා එංගලන්තය තුල වූ ගල් අගුරු ආකර

7.වැඩවසම් ක්‍රමය බිද වැටුණු හෙයින් ශ්‍රම සංචලතාව ඉහල වීම

8.එකම කිරුම් මිනුම් ක්‍රමයක් භාවිතා කිරීම නිසා ආර්ථික ඒකාබද්ධතාවයක් ඇති වීම

9.අභ්‍යන්තරව ඇළ මාර්ගත් භාහිරව සාගරත් තිබු හෙයින් දියුණු ප්‍රවාහන පහසුකම් තිබීම

10.කතෝලික පල්ලියෙන් මිදී සිටීම නිසා ලැබුණු ආගමික පිටුබලය

කාර්මික විප්ලවයේ ප්‍රථිපල

ආර්ථික ප්‍රතිඵල :

1.සරල ආර්ථික ක්‍රමය බිද වැටී සංකීර්ණ ආර්ථික ක්‍රමයක් හට ගැනීම 

2.ඒකාධිකාරී සංවිධාන බිහිවීම

3.වාෂ්ප බලය, විදුලි බලය වැනි නව බලශක්ති ක්‍රම භාවිතයට හුරුවීම

4.ලෝහ වලින් තැනූ විශාල යන්ත්‍ර භාවිතයට හුරු වීම

5.ලාභ චේතනාවෙන් මහා පරිමාණ නිෂ්පාදන බිහි වීම

6.ශ්‍රේණි ක්‍රමය බිද වැටි කර්මාන්ත ශාලා ක්‍රමය ඇති වීම

7.වානිජවාදය වෙනුවට රාජ්‍ය නිර්බාදවාදය පිළිගැනීම ( රාජ්‍ය නිර්බාදවාදය යනු රජය ආර්ථික කටයුතු වලට මැදිහත් නොවීමයි )

8.ශ්‍රමය වෙනුවට ප්‍රාග්ධනය වැදගත් වීම

9.වෙළද චක්‍ර බිහිවීම ( වෙළද චක්‍ර යනු ආර්ථිකයේ හට ගන්නා උච්චාවචනයන් වේ )

10.ශ්‍රම විභජනය, විශේෂ ප්‍රාගුන්‍ය නිසා නිෂ්පාදන කාර්යක්ෂමතාව වර්ධනය වීම ( ශ්‍රම විභජනය යනු නිෂ්පාදන ක්‍රියාවලියේ විවිධ අදියර විවිධ පුද්ගලයින් ලවා කරවීමයි. විශේෂ ප්‍රාගුන්‍ය යනු එකම නිෂ්පාදන ක්‍රියාවලියේ නිරතවීම නිසා රටක්, ප්‍රදේශයක්, පුද්ගලයෙක් ලබන නිපුනතාවයි )

සමාජ ප්‍රතිඵල :

1.නිවාස හිගය

2.රැකියා හිගය

3.පරිසර දුෂණය

4.පැල්පත් හා මුඩුක්කු බිහි වීම

5.කුඩා ළමුන් සේවයේ යෙදවීම

කාර්මික විප්ලවයබ්‍රිතාන්‍යයේ බිද වැටීමට හේතු

1.ජර්මනිය, ඇමෙරිකා එක්සත් ජනපදය, ජපානය වැනි රටවල් කාර්මිකරණයට යොමු වීම

2.බ්‍රිතාන්‍යයෝ මුල දී විශාල වශයෙන් කර්මාන්ත සදහා සම්පත් භාවිතා කල නිසා පසුව සම්පත් හිග වීම

3.එංගලන්තය තුල පවතී සම්පත් ද ලබා ගැනීමේ පිරිවැය ඉහල යාම.විශේෂයෙන්ම ගල් අගුරු විශාල වශයෙන් මුල දී භාවිතා කල නිසා පසුව ගල් අගුරු ගැබුරුම ස්ථානවල පිහිටා තිබු නිසා ඒවා ලබා ගැනීමට විශාල වියදමක් දැරීමට සිදු විය.මෙම නිසා භාණ්ඩ වල මිල ගණන් ද ඉහල ගියහ

4.ප්‍රවාහන පිරිවැය අධික වීම

උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
071-7556342 (කොළඹ/ගම්පහ අවට පමණි)

(විශ්ව විද්‍යාල සිසුවෙකු විසින් මෙහෙයවයි)