අධ්යාපන ලෝකයට
ඔබේ දැනුම වර්ධනය කරගන්නා ගමන අදම අරඹන්න. නව තාක්ෂණය සමඟ පෙරට යන්න.
සාදරයෙන් පිළිගනිමු!
ඇතුලත් වීමට ඔබගේ ගිණුමේ තොරතුරු ලබා දෙන්න
සමස්ත ව්යාපාර සැලැස්මේ පදනම ලෙස අලෙවි සැලැස්ම හදුන්වා දිය හැකි ය. එසේ වන්නේ අලෙවි සැලැස්මේ ඇතුළත් ඉලක්ක වෙළෙඳපළ පාරිභෝගික අවශ්යතා සහ ඉල්ලූම් කරන ඒකක ප්රමාණය ආදී කරුණු පදනම් කරගෙන සමස්ත සැලැස්මේ සෙසු කොටස් පිළියෙල කෙරෙන බැවිනි.
ව්යවසායකයා විසින් අලෙවි කිරීමට අපේක්ෂා කරන භාණ්ඩය හෝ සේවාව, එයට අදාළ වෙළෙඳපළ හා අලෙවි කිරීමට අදාළ උපාය මාර්ග පැහැදිලි කොට අපේක්ෂිත භාණ්ඩය හෝ සේවාව සම්බන්ධ අලෙවිය හා අලෙවි වියදම් පුරෝකථනය කොට ඉදිරිපත් කිරීම අලෙවි සැලැස්මෙන් සිදුවේ. ව්යාපාරයක අලෙවි කිරීමට අපේක්ෂිත භාණ්ඩය හෝ සේවාව, ඉලක්ක වෙළෙඳපළ හා ඉලක්ක වෙළෙඳපළට ළඟා වන ආකාරය දැක්වෙන ලේඛනය අලෙවි සැලැස්මයි.
අලෙවි සැලැස්මක පහත දැක්වෙන කොටස් අන්තර්ගත වේ.
මෙම එක් එක් තොරතුරු පිළිබඳ ව කෙටියෙන් විමසා බලමු
වෙළෙදපළ විශ්ලේෂණය (Market Analysis) යනුවෙන් අදහස් කරන්නේ ව්යාපාරය හා බැදුණු වෙළෙඳපළ පිළිබඳ විමසා බැලීමකි. ඉදිරිපත් කිරීමට අපේක්ෂිත භාණ්ඩය හෝ සේවාව සඳහා ඇති ඉල්ලූම, ඉලක්කගත පාරිභෝගිකයන් (Target customers), තරගකරුවන්ගේ ස්වභාවය හා ඔවුන්ගේ අලෙවිකරණ උපක්රම ආදිය පිළිබඳ ව ගැඹුරින් සොයා බැලීමකි. මේ තුළින් ව්යවසායකයාට තම ව්යාපාරයේ අලෙවිකරණ උපාය මාර්ග තීරණය කිරීම සඳහා සලකා බැලිය යුතු සාධක පිළිබඳ ව මූලික අවබෝධයක් ලබා දේ.
වෙළෙඳපළ විශ්ලේෂණයක මූලික පරමාර්ථය වන්නේ අලෙවි සැලැස්ම වඩාත් නිවැරදි ව පිළියෙල කර ගැනීමට අවශ්ය තොරතුරු ලබා ගැනීම යි. එබැවින් අලෙවි සැලැස්මේ පළමු පියවර ලෙස වෙළෙඳපළ විශ්ලේෂණයක් කළ යුතු වේ.
වෙළෙඳපළ විශ්ලේෂණයට අවශ්ය තොරතුරු විවිධ ආකාරයෙන් රැස් කරගත යුතු ය. එහි දී පහත දැක්වෙන ක්රම බහුල ව භාවිත කෙරේ.
ව්යවසායකයා වෙළෙඳපළට ඉදිරිපත් කිරීමට අපේක්ෂා කරන්නේ දැනටමත් වෙළෙඳපළේ අලෙවියට ඇති භාණ්ඩයක් විය හැකි ය. එසේ නැතහොත් යම් වෙනසක් ඇති කළ භාණ්ඩයක් හෝ නවතම භාණ්ඩයක් විය හැකි ය. ඒ සඳහා පාරිභෝගිකයන් ගේ මිල දී ගැනීමට ඇති කැමැත්ත හා මිල දී ගැනීමේ හැකියාව පරීක්ෂා කිරීම මෙයින් අදහස් වේ.
තම භාණ්ඩය හෝ සේවාව මිල දී ගනු ඇතැයි අපේක්ෂා කරන හෝ අනාගතයේ මිල දී ගැනීමට පොළඹවා ගැනීමට හැකි වේ යැයි අපේක්ෂා කරන පාරිභෝගිකයන් ඉලක්කගත පාරිභෝගිකයා වේ.
පහත දැක්වෙන නිදසුන් මගින් ඉලක්කගත පාරිභෝගිකයා හඳුනා ගනිමු.
| භාණ්ඩය හෝ සේවාව | ඉලක්කගත පාරිභෝගිකයා |
|---|---|
| අභ්යාස පොත් | පාසල් සිසුන් |
| රන් භාණ්ඩ | කාන්තාවන් |
| පහ වසර ශිෂ්යත්ව පෙරහුරු පොත | 4 සහ 5 වසරවල සිසුන් |
| ජංගම දුරකථන අළුත් වැඩියා සේවාව | ජංගම දුරකථන භාවිත කරන්නන් |
| ක්රීඩා භාණ්ඩ | ක්රීඩකයන් |
ව්යවසායකයා තම ඉලක්කගත පාරිභෝගිකයා වඩාත් නිවැරදි ව හදුනාගත යුතු ය. ඒ නිසා පාරිභෝගිකයාගේ වයස, ආදායම, ස්තී්ර පුරුෂ භාවය, රැකියාව, සමාජ තත්ත්වය වැනි සාධක අනුව ද වර්ග කර ගැනීම මගින් ඉලක්කගත පාරිභෝගිකයා වඩාත් සුවිශේෂී ව හදුනා ගැනීමට හැකිවනු ඇත.
ව්යවසායකයා විසින් ඉදිරිපත් කිරීමට අපේක්ෂිත භාණ්ඩය හෝ සේවාව ට සමාන භාණ්ඩ හෝ සේවා වෙළෙඳපළට සපයන්නන් තරගකරුවන් ලෙස සැලකේ. වෙළෙඳපළේ විවිධ සන්නම් නාම යටතේ තම භාණ්ඩයට සමාන ව ඉදිරිපත් කොට ඇති දන්තාලේප, සබන්, චොක්ලට්, දුරකථන සේවා යනාදී තරගකාරී භාණ්ඩ හා සේවාවලට උදාහරණ වේ.
තව ද එම වර්ගයේම භාණ්ඩ හා සේවා නොවූ ව ද තම භාණ්ඩයට හෝ සේවාවට ආදේශක විය හැකි භාණ්ඩ හා සේවා ද දක්නට ඇත.
පහත දැක්වෙන නිදසුන් මගින් ආදේශක භාණ්ඩ හඳුනා ගනිමු
| නිෂ්පාදිතය | ආදේශකය |
|---|---|
| රෙදි සෝදන සබන් කැට | රෙදි සේදුම් කුඩු |
| බටර් | මාගරින් |
| බටහිර වෛද්ය සේවා | ආයුර්වේද වෛද්ය සේවා |
| කුලී කාර් රථ සේවය | ත්රී රෝද රථ සේවය |
| තේ | කෝපි |
මේ අනුව තරගකාරිත්වය අධ්යයනයේ දී සමජාතිය භාණ්ඩ මෙන්ම ආදේශක භාණ්ඩ හා සේවා පිළිබඳ ව මෙන්ම තරගකරුවන්ගේ අලෙවිකරණ උපායමාර්ග පිළිබඳව ද සැලකිලිමත් විය යුතු ය.
වෙළෙඳපළේ ඇති භාණ්ඩ හා සේවා කිහිපයක් තෝරාගෙන එම තෝරාගත් භාණ්ඩ හා සේවා සම්බන්ධ ව සමාන හා ආදේශක භාණ්ඩ ලියා දක්වන්න.
| භාණ්ඩය/සේවාව | විවිධ සන්නම් නාම ඇති සමාන නිෂ්පාදිත | ආදේශක නිෂ්පාදිත |
|---|---|---|
වෙළෙඳපළ තොරතුරු සොයා බැලීමෙන් පසු තරගකරුවන්ගේ අලෙවිකරණ උපක්රම පිළිබඳ ව වැටහීමක් ව්යවසායකයාට ලැබේ. එම තරගකරුවන්ට මුහුණ දී සාර්ථකත්වයට පැමිණිය හැකි වන පරිදි තම ව්යාපාරයේ අලෙවිකරණ උපාය මාර්ග තෝරා ගත යුතු ය. අලෙවිකරණ උපාය මාර්ග තේරීමේ දී අලෙවි මිශ්රය ආශ්රිත ව තීරණ ගැනීම වැදගත් වේ. නිෂ්පාදිතය, මිල, බෙදා හැරීම හා ප්රවර්ධනය යනු අලෙවි මිශ්රයේ ප්රධාන විචල්යයන් වේ. මේවා 4Ps යනුවෙන් ද හැඳින්වේ.
මේවා පිළිබඳ ව කෙටි විස්තරයක් පහතින් දැක්වේ.
පාරිභෝගිකයාගේ අවශ්යතා හෝ වුවමනා ඉටුකර දීමට වෙළෙඳපළට ඉදිරිපත් කරන භාණ්ඩය හෝ සේවාව නිෂ්පාදිතය ලෙස හැදින්වේ. තමා ඉදිරිපත් කරන භාණ්ඩය හෝ සේවා සම්බන්ධවත් ඒවායේ අන්තර්ගතය, හැඩය, ගුණය, ප්රමාණය, වෙළෙඳනාමය, වැනි ගුණාංග හසුරුවන ආකාරය පිළිබඳවත් මෙහි දී සලකා බලනු ලැබේ.
භාණ්ඩය හෝ සේවාව ලබා ගැනීමේ දී පාරිභෝගිකයා දැරිය යුතු පිරිවැය භාණ්ඩයේ මිල වේ. මිල, භාණ්ඩයක ඉල්ලූම කෙරෙහි ද ව්යවසායකයාගේ ලාභය කෙරෙහි ද බලපාන ප්රධාන සාධකයකි.
තමා ඉදිරිපත් කරන භාණ්ඩය හෝ සේවාව සම්බන්ධ ව මිල කිරීමේ උපාය මාර්ග, මිල ලකුණු කරන ආකාරය, වට්ටම් දෙන්නේ නම් ඒ පිළිබඳ ව යනාදී කරුණු මෙහි දී සලකා බලයි.
තම භාණ්ඩය හෝ සේවාව ඉලක්ක පාරිභෝගිකයා වෙත ළඟාකර දීම සඳහා අනුගමනය කරන කි්රයා මාර්ග මෙයින් අදහස් වේ. එනම් නිෂ්පාදකයාගේ සිට ඍජු ව ම පාරිභෝගිකයාට අලෙවි කිරීම, සිල්ලර වෙළෙඳුන් මගින් පාරිභෝගිකයාට අලෙවි කිරීම, නිෂ්පාදකයාගෙන් තොග වෙළෙඳුන්ට ද ඔවුන්ගෙන් සිල්ලර වෙළෙන්දන්ට ද අවසානයේ පාරිභෝගිකයා වෙත භාණ්ඩ අලෙවි කිරීම ආදී ලෙස පාරිභෝගිකයාට භාණ්ඩ හෝ සේවා ලබා ගැනීමට පහසුව සැලසීමට විවිධ උපාය මාර්ග භාවිත කළ හැකි ය.
මෙහි දී තම භාණ්ඩය හෝ සේවාව අදාළ පාරිභෝගිකයා වෙත ළඟා කර දීමට උක්ත උපාය මාර්ගයන්ගෙන් උචිත උපාය මාර්ග සලකා බැලිය යුතු ය.
වෙළෙඳපළට ඉදිරිපත් කරන භාණ්ඩ හෝ සේවාවලට ඉල්ලූමක් ඇති කරගැනීමට ද පවතින ඉල්ලූම වැඩි කරගැනීමට ද ඉලක්ක පාරිභෝගිකයා ආකර්ෂණය කරගැනීමට ද භාවිත කරන උපක්රම ප්රවර්ධනය ලෙස හැදින්වේ.
මේ සඳහා පහත දැක්වෙන ආකාරයේ ක්රම භාවිත කළ හැකි ය.
ඉහත විස්තර කළ අයුරින් තම භාණ්ඩය හෝ සේවාව වෙත පාරිභෝගිකයා යොමුකර ගැනීමට සහ රඳවා ගැනීමට භාවිත කරන ප්රවර්ධන ක්රම පිළිබඳ ව අලෙවි සැලැස්මක සඳහන් විය යුතු ය.
ඉදිරි නිශ්චිත කාලයක දී ව්යවසායකයා වෙළෙඳපළට ඉදිරිපත් කිරීමට අපේක්ෂිත භාණ්ඩ හෝ සේවා ප්රමාණය තීරණය කිරීම විකුණුම් පුරෝකථනයයි. වෙළෙඳපළ තොරතුරු විශ්ලේෂණයෙන් පසු ව තම භාණ්ඩය හෝ සේවාව සඳහා ඉලක්ක වෙළෙඳපළ තුළ පවතින ඉල්ලූම පිළිබඳ ව අවබෝධ කරගත හැකි ය. මෙහි දී තමා ඉදිරිපත් කරන භාණ්ඩය හෝ සේවාව සඳහා පුළුල් වූ වෙළෙඳපළක් තිබිය හැකි ය.
ව්යාපාරය ආරම්භක අවස්ථාවේ දී ම මෙම මුළු ඉල්ලූම ආවරණය නොකළ ද තමාගේ ශක්තිය අනුව තමාට අත්පත් කර ගත හැකි වෙළෙඳපළ කොටසෙහි විකුණුම් ඒකක ප්රමාණය පුරෝකථනය කළ හැකි ය.
නිදසුන් :-
යම් භාණ්ඩයක් සඳහා අදාළ ප්රදේශය තුළ සතියකට ඒකක 15 000ක ඉල්ලූමක් ඇති බව අනාවරණය විය. දැනට සිටින තරගකරුවන් සපයන්නේ ඉන් ඒකක 12 000ක් පමණි. එනම් ඒකක 3 000ක් සඳහා වෙළෙඳපළ හිඩැසක් ඇත. එම ඒකක 3 000ක ප්රමාණයම සැපයිය හැකි ද නැතිනම් ඉන් කොටසක් පමණක් සපයන්නේ ද යන්න නව ව්යවසායකයා තීරණය කළ යුතු ය. විකුණුම් පුරෝකථනයක දී අපේක්ෂිත අලෙවි ප්රමාණය දිනකට, සතියකට, මසකට, තෙමසකට, වර්ෂයකට ආදී ලෙස පුරෝකථනය කරගැනීම තීරණ ගැනීමට පහසු කරයි. එසේ පුරෝකථනය කරගත් විකුණුම් ප්රමාණය අලෙවි සැලැස්මෙහි සඳහන් කළ යුතු ය.
පහත දැක්වෙන සුවිශේෂී පාරිභෝගික කොට්ඨාස ඉලක්ක කරගෙන ව්යවසායකයෙකුට ඉදිරිපත් කළ හැකි භාණ්ඩයක් සහ සේවාවක් බැගින් ලියා දක්වන්න.
| අනු අංකය | ඉලක්ක වෙළෙඳපළ | භාණ්ඩය | සේවාව |
|---|---|---|---|
| 01 | වයස 65 ඉක්මවූ ජනතාව | ||
| 02 | පෙර පාසල් දරුවන් | ||
| 03 | මැද පෙරදිග රැකියා අපේක්ෂිත කාන්තාවන් | ||
| 04 | පෞද්ගලික බස් හිමියන් | ||
| 05 | විදෙස් උසස් අධ්යාපනය අපේක්ෂිත සිසුන් | ||
| 06 | විදුලි කාර්මිකයන් | ||
| 07 | රැකියා කරන මවුවරුන් | ||
| 08 | කුඩා පරිමාණ ව්යවසායකයන් | ||
| 09 | වෛද්යවරුන් | ||
| 10 | දියවැඩියා රෝගීන් |
අපේක්ෂිත භාණ්ඩ හෝ සේවා විකුණුම් ඒකක ප්රමාණය, ඒකකයක අපේක්ෂිත විකුණුම් මිලෙන් ගුණ කිරීමෙන් ලැබෙන අගය අපේක්ෂිත අලෙවි ආදායම වේ.
අපේක්ෂිත අලෙවි ආදායම = අපේක්ෂිත භාණ්ඩ හෝ සේවා විකුණුම් ඒකක ප්රමාණය X ඒකකයක අපේක්ෂිත විකුණුම් මිල
භාණ්ඩ හෝ සේවා අලෙවි කිරීමට අදාළ ව දරන සියලූ වියදම් මීට අයත් වේ.
ඉහත දැක්වූ ආකාරයට ආයතනයේ මුළු අලෙවි ආදායම සහ වියදම පිළිබඳ පුරෝකථන කරන ලද දත්ත අලෙවි සැලැස්මට ඇතුළත් කළ යුතු ය.
ව්යාපාරයේ අලෙවි හා බෙදා හැරීමේ කාර්යයන් ට ඍජු ව අදාළ වන ස්ථාවර වත්කම් අලෙවි ස්ථාවර වත්කම් වේ.
නිදසුන් :-
ඉහත දක්වන ලද සංකල්ප තව දුරටත් තහවුරු කර ගැනීම සඳහා පහත දක්වා ඇති සිද්ධිය ඇසුරින් අලෙවි සැලසුමක් සකස් කර ඇති ආකාරය අධ්යයනය කරමු.
ව්යාපාර අදහස් ගණනාවක් අධ්යයනය කළ අකිල විජයවර්ධන යෝගට් නිෂ්පාදනය කිරීමට තෝරා ගත්තේ ය.
ආරම්භක අවස්ථාවේ ඔහු වෙසෙන රත්නපුර අරලිය ප්රදේශය ඉලක්ක කරගෙන ව්යාපාරය ආරම්භ කිරීමට තීරණය කළේ ය. එම ප්රදේශයේ සිදුකළ වෙළෙඳපළ පිළිබඳ සොයා බැලීමට අනුව යෝගට් වෙළෙඳපළ සම්බන්ධයෙන් රැස්කරගත් තොරතුරු පහත දැක්වේ.
| තරගකරුවන් | මාසික සැපයුම | වෙළෙඳපළ කොටස |
|---|---|---|
| රජරට යෝගට් | 12 000 | 20% |
| සෞම්යා යෝගට් | 18 000 | 30% |
| ABC Food සමාගම | 6 000 | 10% |
| Healthy Food සමාගම | 24 000 | 40% |
| මුළු සැපයුම | 60 000 | 100% |
තම ප්රදේශය තුළ යෝගට් ඉල්ලූමෙන් 50% බාහිර සමාගම්වලින් සපයන බවත් 50% ක් ප්රදේශයේ සිටින නිෂ්පාදකයන් දෙදෙනෙක් සපයන බවත් අනාවරණය විය.
ඒ අනුව ආරම්භක වර්ෂයේ දී ඉලක්ක ප්රදේශයේ අලෙවියෙන් 10% අත්පත් කර ගැනීමටත් ඒ සදහා පහත සඳහන් උපාය මාර්ග අනුගමනය කිරීමටත් තීරණය කරන ලදී.
යෝගට් බෙදාහැරීම සඳහා රු. 480 000ක් වටිනා ත්රීරෝද රථයක් මිල දී ගැනීමට අපේක්ෂා කරයි.
අපේක්ෂිත අනෙකුත් වියදම් පහත දැක්වේ.
සතියකට දින 5ක් බෙදාහැරීමේ කටයුතුවල නිරත වේ. වෙළෙඳපළෙහි යෝගට් එකක මිල රු. 30කි.
කිරි යෝගට් හා පලතුරු යෝගට් මිල අතර වෙනසක් නැත.
රත්නපුර අරලිය ප්රදේශයේ ජීවත්වන ජනගහනයයි. ජනගහනය 40 000කි.
රත්නපුර අරලිය ප්රදේශය
| භාණ්ඩය | ඉලක්ක පාරිභෝගික සංඛ්යාව (දෛනික) | පාරිභෝගික රටාව | මාසික ඉල්ලූම ප්රමාණය | මාසික ඉල්ලූම වටිනාකම රු. (මිල x ඒකක ප්ර.) | වාර්ෂික ඉල්ලූම ප්රමාණය | වාර්ෂික ඉල්ලූම වටිනාකම රු. |
|---|---|---|---|---|---|---|
| කිරි යෝගට් | 1500 | වර්ෂය පුරා පැතිරුණු ඉල්ලූමක් ඇත | 45 000 (60 000 x 75%) |
1 350 000 (45 000 x 30) |
540 000 (45 000 x 30) |
16 200 000 (540 000 x 30) |
| පලතුරු යෝගට් | 500 | එම | 15 000 (60 000 x 25%) |
450 000 | 180 000 | 5 400 000 |
| 60 000 | 1 800 000 | 720 000 | 21 600 000 |
| ප්රධාන තරගකරුවන් | සපයනු ලබන භාණ්ඩ හා සේවා | ඔවුනට ඇති වෙළෙඳපළ කොටස |
|---|---|---|
| රජරට ඉන්ඩස්ටී්රස් | කිරි යෝගට්/පලතුරු යෝගට් | 20 % |
| සෞම්යා ඉන්ඩස්ටී්රස් | එම | 30 % |
| ABC ෆුඞ් සමාගම | එම | 10 % |
| Healthy ෆුඞ් සමාගම | එම | 40 % |
| 100 % |
| භාණ්ඩය | සැලසුම්ගත වෙළෙඳපළ කොටස් |
|---|---|
| කිරි යෝගට් | 10 % |
| පලතුරු යෝගට් | 10 % |
| උපාය මාර්ග | |
|---|---|
| භාණ්ඩය (Product) | කිරි හා පලතුරු ලෙස වර්ග දෙකකින් යෝගට් ඉදිරිපත් කිරීම ගුණත්වය හා සෞඛ්යාරක්ෂිත බව තහවුරු කිරීම |
| මිල (Price) | තරගකාරී මිල නියම කිරීම |
| ස්ථානය (Place) | සිල්ලර වෙළෙඳසල් මගින් බෙදාහැරීම |
| ප්රවර්ධනය (Promotion) | යෝගට් නාමය යොදා වෙළෙඳසල්වල නාම පුවරු යෙදීම අලෙවි ප්රදේශය තුළ ප්රචාරක පෝස්ටර් ප්රදර්ශනය |
| උපාය මාර්ග | |
|---|---|
| භාණ්ඩය (Product) | කිරි යෝගට් හා පලතුරු මිශ්ර යෝගට් වර්ග දෙකකින් ඉදිරිපත් කිරීම |
| මිල (Price) | තරගකාරී මිල නියම කිරීම |
| ස්ථානය (Place) | ආපනශාලා, සිල්ලර වෙළෙඳසල් සහ නිෂ්පාදන ආයතනය මගින් |
| ප්රවර්ධනය (Promotion) | අලෙවිසල ආශ්රිත ව පෝස්ටර් ප්රදර්ශනය, ස්ටිකර් ලබා දීම මගින් කුඩා ළමුන් ආකර්ශණය කිරීම |
| භාණ්ඩය/සේවාව | මාසික අපේක්ෂිත විකුණුම් ඒකක | ඒකක මිල රු. | මාසික විකුණුම් රු. | වාර්ෂික විකුණුම් රු. |
|---|---|---|---|---|
| කිරි යෝගට් | 4 500 | 30 | 135 000 | 1 620 000 |
| පලතුරු යෝගට් | 1 500 | 30 | 45 000 | 540 000 |
| එකතුව (100%) | 6 000 | 180 000 | 2 160 000 |
| අයිතම | මාසික විකුණුම් වියදම රු. | වාර්ෂික විකුණුම් වියදම රු. |
|---|---|---|
| අලෙවි සේවක වැටුප් | 10 000 | 120 000 |
| වාහන ක්ෂය | 400 | 4 800 |
| අලෙවි රථ රක්ෂණ | 400 | 4 800 |
| ඉන්ධන හා සේවා වියදම් | 7 200 | 86 400 |
| පෝස්ටර් මුද්රණයට | 1 500 | 18 000 |
| ස්ටිකර් සඳහා | 2 000 | 24 000 |
| එකතුව | 21 500 | 258 000 |
| අයිතමය | වටිනාකම රු. | වාර්ෂික ක්ෂය රු. |
|---|---|---|
| ත්රී රෝද රථය | 480 000 | 4 800 |
රසකැවිලි නිෂ්පාදනය කර අලෙවි කිරීම සඳහා ව්යාපාරයක් ආරම්භ කළ යුතු යැයි තීරණය කළ සස්මිතා ප්රදේශයේ ආපනශාලා කිහිපයකට ගොස් අලෙවි කිරීමට ඇති රස කැවිලි වර්ග පිළිබඳ ව සහ ඒවායේ ඉල්ලූම පිළිබඳ ව සොයා බැලීමට අදහස් කළා ය.
වෙළෙඳසල් හිමියන්ගේ තොරතුරු අනුව තිරිඟුපිටි ආශ්රිත රසකැවිලි නිෂ්පාදනය කරන නිෂ්පාදකයන් රැසක් සිටිය ද සහල් පිටි හා කුරක්කන් පිටි ආශ්රිත ව රසකැවිලි නිෂ්පාදනය කිරීම සඳහා අඩු පිරිසක් සිටින බව ඇය අවබෝධ කර ගත්තා ය.
විවිධ සෞඛ්යමය හේතු නිසා ජනගහනයෙන් සැලකිය යුතු පිරිසක් සහල් පිටි හා කුරක්කන් පිටි භාවිතයට නැඹුරු වන බවත් වෙළෙඳපළ තොරතුරු අධ්යයනයේ දී ඇය අනාවරණය කර ගත්තා ය. එමෙන්ම පහත දැක්වෙන තොරතුරු ද එක්රැස් කරගන්නා ලදි.
ඔවුන් පහත සඳහන් අලෙවි උපක්රම භාවිත කරන බව ද අනාවරණය විය.
ඇය වෙළෙඳපළෙන් 25% ක් ආවරණය වන සේ ව්යාපාරය ආරම්භ කිරීමටත් තරගකරුවන්ගේ අලෙවි උපක්රම එලෙසින් ම භාවිත කරන අතරතුර තම නිෂ්පාදිත පිළිබඳ ව අත් පත්රිකා මගින් දැනුවත් කිරීමටත් තීරණය කරන ලදි.
ඇය ආරම්භයේ දී ම සහල් හා කුරක්කන් පිටි මිශ්ර කේක් සහ අළුවා වෙළෙඳපළට ඉදිරිපත් කිරීමට තීරණය කළ අතර ඒවායේ වෙළෙඳපළ මිල පහත දැක්වෙන පරිදි නියම කිරීමට තීරණය කරන ලදි.
නිෂ්පාදිත බෙදා හැරීම සඳහා රු. 200 000ක් වටිනා යතුරු පැදියක් මිලට ගැනීමට තීරණය කරන ලදි.
පහත දැක්වෙන වියදම් ඇස්තමේන්තු කරන ලදි.
ඉහත තොරතුරු ඇසුරින් සස්මිතා රසකැවිලි ව්යාපාරයේ අලෙවි සැලැස්ම පිළියෙල කරන්න.