අධ්යාපන ලෝකයට
ඔබේ දැනුම වර්ධනය කරගන්නා ගමන අදම අරඹන්න. නව තාක්ෂණය සමඟ පෙරට යන්න.
සාදරයෙන් පිළිගනිමු!
ඇතුලත් වීමට ඔබගේ ගිණුමේ තොරතුරු ලබා දෙන්න
යම් පුද්ගලයෙකු උපයන ආදායම සම්පූර්ණයෙන්ම පරිභෝජනය සඳහා වැය නොකළේ නම්, ආදායමෙන් කොටසක් ඉතිරි වේ.
එසේ ඉතිරි කරගත් මුදල්, මුදල් වශයෙන්ම තබා ගතහොත් ඒ සඳහා කිසිදු ප්රතිලාභයක් හිමි නොවේ.
එම නිසා ඉතිරි කරගත් මුදල් යම් ප්රතිලාභයක් අපේක්ෂාවෙන් ඵලදායී මාර්ගයක යෙදවීමට විවිධ ආයෝජන මාර්ග වැදගත් වේ.
මෙසේ පුද්ගලයෙකු තමා උපයන ආදායමෙන් ඉතිරි කරගත් මුදල් ප්රමාණයක් යම් ආර්ථික ප්රතිලාභයක් අපේක්ෂාවෙන් ඵලදායී මාර්ගයක යෙදවීම ආයෝජනය නම් වේ.
විවිධ ආයෝජන මාර්ග අතුරෙන් සුදුසු ආයෝජන මාර්ගයක් තෝරා ගැනීමේ දී පහත සඳහන් ප්රධාන සාධක පිළිබඳ ව සලකා බලනු ලැබේ.
ආයෝජනය සිදු කරනුයේ කුමන අරමුණක් සඳහා ද යන්න මෙහි දී සලකා බැලේ.
තමන් ආයෝජනය කරන මුදල ආපසු ලබා ගැනීම සහ අපේක්ෂිත ප්රතිලාභ නිශ්චිත ද යන්න මෙහි දී සලකා බැලේ.
ආයෝජනය සඳහා ලැබෙන ඉපැයීම ප්රමාණවත් ද යන්න මෙහි දී සලකා බැලේ. පුද්ගලයකු ආයෝජනය තුළින් දරන අවදානමට අදාළ ව සාධාරණ ප්රතිලාභයක් අපේක්ෂා කරයි.
පුද්ගලයන්ට ආයෝජන සිදු කළ හැකි විවිධ මාර්ග ඇති අතර ඉන් කිහිපයක් පහත දැක්වේ.
ආයෝජන මාර්ගයක් ලෙස පුද්ගලයෙකුට තම අතිරික්ත මුදල් බැංකු හා වෙනත් මූල්ය ආයතනයන්හි ඉතිරි කිරීමේ ගිණුම්වල තැන්පත් කළ හැකි වේ.
ඉතිරි කිරීමේ ගිණුමක ලක්ෂණ හා එම ගිණුම් ආරම්භ කරන ආකාරය ඔබ මේ වන විටත් අධ්යයනය කර ඇත. ආයෝජන මාර්ගයක් ලෙස ඉතිරි කිරීමේ ගිණුමක මුදල් තැන්පත් කිරීමෙන් ලැබෙන ප්රතිලාභ පහත සඳහන් පරිදි වේ.
යම් පුද්ගලයෙකු යම් නිශ්චිත මුදල් ප්රමාණයක්, නිශ්චිත පොලියක් යටතේ, නිශ්චිත කාල පරිච්ඡේදයක් සඳහා තැන්පත් කරමින් ස්ථාවර තැන්පතුවක් ආරම්භ කිරීම ද ආයෝජන මාර්ගයක් ලෙස සැලකේ.
ස්ථාවර තැන්පතු ගිණුමක ලක්ෂණ හා එම ගිණුම් ආරම්භ කරන ආකාරය ඔබ මේ වන විටත් අධ්යයනය කර ඇත. ආයෝජන මාර්ගයක් ලෙස ස්ථාවර තැන්පතුවක මුදල් තැන්පත් කිරීමෙන් ලැබෙන ප්රතිලාභ පහත සඳහන් පරිදි වේ.
ඉඩම්, ස්වර්ණාභරණ, වාහන, නිවාස වැනි දේපළ මිල දී ගැනීමට මුදල් යෙදවීම ද ඵලදායී ආයෝජන මාර්ග වේ.
මෙවැනි දේපළ මිල දී ගැනීම සඳහා තම මුදල් යෙදවීමෙන් පුද්ගලයෙකුට පහත සඳහන් ප්රතිලාභ ලැබිය හැකි වේ.
සිමිත සමාගමක හිමිකම සමාන පංගුවලට බෙදුවහොත් ඉන් එක් පංගුවක් කොටසක් ලෙස හඳුන්වයි. සමාගමක් ප්රාග්ධනය රැස් කරන්නේ කොටස් නිකුත් කිරීම මගිනි. ආයෝජකයන් විසින් එම කොටස් මිල දී ගැනීමෙන් සිදු කරන්නේ තම මුදල් එම සමාගම්වල ආයෝජනය කිරීමයි. සමාගමක් විසින් විවිධ වර්ගවල කොටස් නිකුත් කරනු ලැබේ. එම වර්ග අතරින් වඩාත් වැදගත් වන්නේ සාමාන්ය කොටස් ය. සාමාන්ය කොටස් මිල දී ගන්නා ආයෝජකයන්ට සමාගමේ හිමිකම ලැබේ.
ඒ අනුව සාමාන්ය කොටස් මිල දී ගැනීමෙන් ආයෝජකයා සමාගමේ අයිතිකරුවෙකු බවට පත් වන අතර එම සමාගමෙහි අධ්යක්ෂවරු පත් කිරීමේ දී ඡන්දය පාවිච්චි කිරීමට ද බලය හිමි වේ.
සාමාන්ය කොටස් හි ආයෝජනයෙන් ලැබෙන ප්රතිලාභ පහත පරිදි දැක්විය හැකි ය.
සමාගමක් කොටස් නිකුත් කිරීමේ දී ආයෝජකයන් විසින් ඒවා මිලට ගැනීමත් එසේ මිලට ගත් කොටස් තමාට අවශ්ය වූ විටක වෙනත් අයට විකිණීමත් ආශ්රිත ව නිර්මාණය වූ වෙළෙඳපළ කොටස් වෙළෙඳපළ ලෙස හඳුන්වයි. මෙසේ සමාගමකින් මිලදී ගත් කොටස් වෙනත් අය සමග හුවමාරු කිරීමේ දී එම වෙළෙඳපළ ගනුදෙනු මෙහෙයවන්නේ කොළඹ කොටස් හුවමාරුව මගින් ය.
ශ්රී ලංකා විනිමය හා සුරැකුම්පත් කොමිෂන් සභාව කොළඹ කොටස් වෙළෙඳපළ කටයුතු අධීක්ෂණය හා විධිමත් කිරීම පිණිස පාර්ලිමේන්තු පනතක් යටතේ ශ්රී ලංකා විනිමය හා සුරැකුම්පත් කොමිෂන් සභාව පිහිටුවා ඇත. ආයෝජකයන් ආරක්ෂා කිරීමේ අරමුණ ඇති ව කොටස් වෙළෙඳපළ කටයුතු විධිමත් ව හා සාධාරණ ව පවත්වාගෙන යාම මෙම ආයතනයේ ප්රධාන අරමුණ වේ.
භාණ්ඩාගාර බිල්පත් යනු රජයේ කෙටි කාලීන මූල්ය අවශ්යතා ඉටු කර ගැනීම සඳහා රජය වෙනුවෙන් ශ්රී ලංකා මහ බැංකුව විසින් නිකුත් කරනු ලබන කෙටිකාලීන සුරැකුම්පත් වර්ගයකි.
ශ්රී ලංකා මහ බැංකුව විසින් භාණ්ඩාගාර බිල්පත් පළමුව නිකුත් කරනුයේ ලියාපදිංචි ප්රාථමික වෙළෙඳුන් වෙත ය. යම් ආයෝජකයෙකුට භාණ්ඩාගාර බිල්පත් මිල දී ගත හැකි වන්නේ මෙම ප්රාථමික වෙළෙඳුන්ගෙනි. බොහෝවිට ප්රාථමික වෙළෙන්දන් වශයෙන් කටයුතු කරන්නේ බලපත්රලාභී වාණිජ බැංකු ය. භාණ්ඩාගාර බිල්පත් නිකුත් කරනුයේ මාස තුනකින්, මාස හයකින් හෝ වර්ෂයකින් පරිණත වන ලෙසට ය.
භාණ්ඩාගාර බිල්පත්වල ලක්ෂණ හා එම බිල්පත්වල ආයෝජනයෙන් ලැබෙන ප්රතිලාභ පහත දැක්වෙන පරිදි වේ.