අධ්යාපන ලෝකයට
ඔබේ දැනුම වර්ධනය කරගන්නා ගමන අදම අරඹන්න. නව තාක්ෂණය සමඟ පෙරට යන්න.
සාදරයෙන් පිළිගනිමු!
ඇතුලත් වීමට ඔබගේ ගිණුමේ තොරතුරු ලබා දෙන්න
තුන් පිම්ම යනු මලල ක්රීඩාවේ එන තිරස් පැනීමකි. පැනීම් තුනක් හා පතිත වීම් තුනක් සහිත තුන් පිම්ම ඉසව්ව සඳහා ප්රබල ශක්තියක් හා වේගයක් අවශ්ය වේ. ඉපිලීමේ පුවරුව ආසන්නයට අවතීර්ණ වීමේ දී පාලනය කළ හැකි උපරිම වේගයක් පවත්වා ගැනීමත්, පැනීම් අවස්ථා තුනේ දී ම වේගය අඩාල නොවී ආරක්ෂා කර ගැනීමත් කළ යුතු ය.
කුන්දුව, පියවර හා පැනීම ලෙස පැනීම් තුනකින් සමන්විත වන තුන් පිම්ම සම්පූර්ණ අවධි පහකින් සමන්විත වේ.
තුන් පිම්ම පැනීමේ දී ප්රථමයෙන් ඉපිලීම සිදු කළ පාදයෙන් ම දෙවන ඉපිලීම කළ යුතු යි. තෙවන ඉපිලීම ඊට විරුද්ධ පාදයෙන් සිදු කළ යුතු යි. අවසානයේ පතිත වීම පාද දෙකෙන් ම සිදු වේ.
දකුණු පාදයෙන් ඉපිලීම ලබා ගන්නා ක්රීඩකයෙකුගේ පාද ගමන් කරන ආකාරය පිළිබද අවධානය යොමු කරමු.
හෙල්ල විසි කිරීම ද විසි කිරීම්වලට අයත් ඉසව්වකි. දැමීම් හා විසි කිරීම් ඉසව්වල උපකරණ අතරින් හෙල්ල අඩු බර සහිත උපකරණයකි. ධාවනයෙන් බලය ලබා ගෙන හෙල්ල විසි කරයි.
යගුලිය, කවපෙත්ත හා හෙල්ල විසි කිරීම අනතුරුදායක ඉසව්වක් වන බැවින් එය පුහුණු වීමේ දී හා තරග අවස්ථාවේ දී ගුරු මහත්ම/මහත්මීන්ගේ අධීක්ෂණයකින් පමණක් ම කළ යුතු ය.
මෙය අවධි හතකට බෙදිය හැකි ය.
හෙල්ල විසි කරන දිශාවට මුහුණලා සිට ගත යුතු ය.
හෙල්ල උරහිසට උඩින් කනට මදක් ඉහළින් පොළොවට සමාන්තර වන සේ තබා ගත යුතු ය.
හෙල්ල අල්ලා සිටින අතෙහි වැලමිට ඉදිරියට යොමු වී තිබිය යුතු ය.
හෙල්ල සමග ආරම්භක වේගය ලබා ගැනීම සඳහා රිද්මානුකූල ධාවනයක යෙදේ.
ක්රීඩකයන් මේ සඳහා පියවර 13 -19 අතර ප්රමාණයක් ගත හැකි ය. ආධුනිකයන් පියවර 6 -12 ක් පමණ ගත හැකි ය.
අවතීර්ණ ධාවනයේ අවසාන පියවර පහෙන් පළමු පියවරත් සමග හෙල්ල සහිත අත උරහිස උසින් පිටුපසින් ඇදීම අරඹයි.
අවසාන පියවර පහෙන් තෙවන පියවරේ දී හෙල්ල මුළුමනින්ම පිටු පසට ඇදී පවතී.
පිටුපසට ඇදී ඇති හෙල්ල හිසට ආසන්නව තබා ගනියි.
අවසන් හතරවන පියවරේ දී පා හරස් කිරීම සිදු වේ.
හෙල්ල අල්ලා ගන්නා අත හොඳින් දිග හැරී පවතී.
හෙල්ල තිබෙන අතට අනුරූප පාදය පා හරස් කරමින් දිගු පියවරක් සමග ඉදිරියට පැමිණේ (රූපයේ දැක්වෙන ආකාරයෙන් දකුණු පාදය).
නැවතත් වම් පාදය ඉදිරියට පැමිණේ.
4 වන පියවර අවසාන වීමත් සමග ජව ඉරියව්ව පෙන්නුම් කරයි.
සිරුර තරමක් පිටු පසට නැඹුරු වී පවතී.
දකුණු අතෙහි හෙල්ල පවතින අතර වම් පාදය ඉදිරියට හොඳින් දිග හැරී පවතී.
හෙල්ලේ තුඩ ඉහළට සිටින සේ හිසට ඉහළින් මුදා හැරීම සිදු වේ.
උකුල් පෙදෙස වේගයෙන් ඉදිරියට හැරවීම සිදු වේ.
ඉදිරි පාදය දණහිසින් දිග හැරී පවතී.
හෙල්ලය තිබෙන අතෙහි වැලමිට පෙරට හා ඉහළට අදිමින් විසි කරනු ලබයි.
මුදා හරින අවස්ථාවේ රූපයේ දැක්වෙන ආකාරයට පිටුපස කොටස දුන්නක් ආකාරයෙන් පවතී.
විසි කිරීමෙන් පසු දකුණු පාදය ඉදිරියට තබමින් වේගය පාලනය කරයි.
ශරීරයේ උඩුකය ඉදිරියට නවමින් සමබරතාව රැක ගනී.
ටෙනිස් බෝලයක් වැනි සැහැල්ලු පන්දුවක් හිසට ඉහළින් ඈතට විසි කරන්න.
මීටර් 3ක් හෝ 4ක් ඉදිරියෙන් හෙල්ලේ තුඩ ඇනෙන සේ හිසට ඉහළින් පිටු පසට අදිනු ලැබූ හෙල්ල පොළොවට වේගයෙන් දමා ගසන්න.
මීට අමතර ව ඔබේ ගුරුතුමා/ගුරුතුමිය සමග හෙල්ල විසි කිරීම සඳහා තවත් පුහුණු අභ්යාසවල යෙදෙන්න.
| වයස් සීමා |
|---|
| 15, 17, 19, 21න් පහළ බාලිකා |
| 15, 17න් පහළ බාලක |
| 19, 21න් පහළ බාලක |