1 - නිති පන්සිල් රකිමු
මුදිතා උදෙන් ම අවදි වී මුහුණ සෝදා ගත්තා; පිරිසිදු ඇඳුමක් ඇඳ හිස පීරා ගත්තා; දෑත් සෝදා ගෙන වත්තට ගොස් වට්ටියට මල් නෙළා ගත්තා.
මුදිතා මල් ධෝවනය කළා. තාත්තා බුදු හාමුදුරුවන් ළඟ පහනත්, හඳුන්කූරුත් පත්තු කළා. අම්මා මල් වට්ටියත්, පැන් වීදුරුවත් තැන්පත් කළා. සියලූ දෙනා ම නමස්කාරය කියා, තිසරණ සහිත පන්සිල් සමාදන් වුණා;
1. පාණාතිපාතා වේරමණී සික්ඛාපදං සමාදියාමි.
2. අදින්නාදානා වේරමණී සික්ඛාපදං සමාදියාමි.
3. කාමේසු මිච්ඡාචාරා වේරමණී සික්ඛාපදං සමාදියාමි.
4. මුසාවාදා වේරමණී සික්ඛාපදං සමාදියාමි.
5. සුරාමේරය මජ්ජපමාදට්ඨානා වේරමණී සික්ඛාපදං සමාදියාමි.
ගාථා කියා පහන්, සුවඳ දුම්, මල්, පැන් බුදුරජාණන් වහන්සේට පූජා කළා.