නබි සල්ලල්ලාහු අලෛහි වසල්ලම් තුමා හැදී වැඩුණේ හලීමා මව්තුමිය ළඟ ය.
එතුමා තම කිරි බොන සහෝදරයින් සමඟ සෙල්ලම් කරනවා.
දිනක් එතුමා තම සහෝදරයින් දුටුවේ නෑ.
නබි සල්ලල්ලාහු අලෛහි වසල්ලම් තුමා හලීමා තුමියගෙන් "අම්මේ මාගේ සහෝදරවරු කොයි දැ"යි කියා ඇසුවේ ය.
"ඔවුන් එළුවන් දක්කන්නට ගියා" කියා හලීමා තුමිය පැවසුවේ ය.
"මාත් එයාලා එක්ක යන්න ඕනෑ" කියා නබි සල්ලල්ලාහු අලෛහි වසල්ලම් තුමා පැවසුවේ ය.
"හෙට ඔබට යන්න පුළුවන්" කියා හලීමා තුමිය පැවසුවේ ය.
නබි සල්ලල්ලාහු අෙලෙහි වසල්ලම් තුමා 'හොඳයි අම්මේ' කියා එතුමියගේ කීමට ගරු කළා.
නබි සල්ලල්ලාහු අලෛහි වසල්ලම් තුමා කුඩා අවධියේ සිට ම මවට බරක් වීමට කැමැති වූයේ නැත.
අනෙක් අය මෙන් උපයා ජීවත් වීමට එතුමා බලාපොරොත්තු වුණා.
වැඩුණු පසුව, එතුමා මක්කා වැසියන්ගේ එළුවන් බලා ගත්තා. එය නබිවරුන්ගේ රැකියාව බව එතුමා කීවා.
තරුණ වියේ දී මහප්පා සමඟ වෙළෙඳාමට ගියා. වෙනත් කණ්ඩායම් සමඟ ද වෙළෙඳාමේ ගියා.
කදීජා යන සිටුවරියගේ ද්‍රව්‍ය ද රැගෙන ගියා.
එතුමාගේ අවංකත්වය දැක සියල්ලන් ම අගය කළා.
අපිත් එතුමා අනුගමනය කරමු.