17 - ජේසුස් වහන්සේගේ ආදරය
ජේසුස් වහන්සේ රෝගීන්ට සුවය දුන් සේක. පව් කළ අයට සමාව දුන්සේක. චිත්‍රය දෙස බලා හඳුනා ගන්න.
අබාධිත ළමා නිවාසයක් බැලීමට ගිය පන්තියේ අප සැමට දක්නට ලැබුණේ එහි සේවය කරන අය තුළ තිබූ කරුණාව සහ දයාවයි. ඇවිදින්න බැරි අය අතින් අල්ලාගෙන ඉතාමත් ම ආදරයෙන් සියලු ම කටයුතු සතුටින් ඉටු කරන සැටි බලා සිටිය මට ඇස් දෙකට කඳුළු ආවා.
- ගං වතුර උවදුරින් නිවාස අහිමි වී සිටින අයට
- රෝහල්වල සිටින විවිධ රෝගීන්ට
- ළමා සහ වැඩිහිටි නිවාසවල සිටින අයට
සත්කාර කරන සැම දෙනා හරි ම කරුණාවන්තයි.
ජේසුස් වහන්සේගේ මඟ ගමන් කරන මේ සියලු දෙනාට දේව ආශීර්වාදය වැඩියෙන් ලැබෙනවා. අපිත් ජේසුස් වහන්සේගේ සුවිශේෂී ගුණාංග අයිති කර ගනිමු. ඒ සඳහා යාච්ඤා කරමු.