16 - පරීක්ෂාවන් ජයගත් ජේසුස් වහන්සේ
මිනිසා කෑමෙන් පමණක් ජීවත් නොවේ.
නුඹේ දෙවි වන ස්වාමීන් වහන්සේට නමස්කාර කරන්න. උන්වහන්සේට පමණක් සේවය කරන්න.
නුඹේ දෙවි වන ස්වාමීන් වහන්සේ පරීක්ෂා නොකරන්න.
බෞතීස්ම ස්නාපනය ලබාගත් ජේසු සමිඳුන් යක්ෂයා විසින් පරීක්ෂා කරනු ලැබීම සහ එම පරීක්ෂා ජය ගත් අන්දම චිත්‍ර දෙස බලා සාකච්ඡා කරන්න.
පරීක්ෂා ජයගත් ජේසු සමිඳුන් ගලීල මුහුද අවටින් ශ්‍රාවකයන් දොළොස් දෙනෙක් තෝරා ගත් සේක. අන් අයට සුභාරංචිය කියා දෙන්නටත් තමන් වහන්සේගේ නාමයෙන් රෝගීන් සුවපත් කරන්නටත් ගෝලයන්ට බලය දුන් සේක.
ජේසු සමිඳුන් කුඩා දරුවන්ට මහත් සේ ආදරය කළ සේක. ඔවුන් වහන්සේගේ අත් කුඩා දරුවන් පිට තබා ආශීර්වාද කළ සේක. "ළදරුවන්ට මාවෙත එන්න ඉඩ හරින්න. දෙවියන් වහන්සේගේ රාජ්‍යය එවැනි අයගේ ය".කියා උන්වහන්සේ පැවසූ සේක.
අපි ජේසුස් වහන්සේට ආදරය කරමු.