3 - රැකවරණය සලසන දෙවියන් වහන්සේ
ශු. මතෙව් 2 : 13 - 15
ජේසුස් වහන්සේ ඉපදුණාට පසු, බිලිඳු ජේසුස් වහන්සේගේ පියා වූ ජෝසෙප්ට දේව දූතයෙක් සිහිනයකින් දර්ශනය විය. බිලිඳු ජේසුස් වහන්සේ රැගෙන එතුමාගේ මෑණියන් ද සමග මිසරයට යන ලෙස දේව දූතයා ජෝසප්ට දැන්වූවේ ය. ඊට හේතුව හෙරොද් රජ, ළදරු ජේසුස් වහන්සේ මරා දැමීමට සොයන නිසා බව දේවදූතයා පැවසුවේ ය.
එදින රාත්‍රියේ ම ජෝසෙප් ළදරු ජේසුස් වහන්සේ ද උන්වහන්සේගේ මෑණියන් ද රැගෙන, මිසරයට පිටත් ව ගියේ ය. හොරොද් රජතුමාගේ මරණය දක්වා ම ඔවුහු එහි නැවතී සිටියෝ ය.
දෙවි පියාණන් වහන්සේ මේ ආකාරයට බිලිඳු ජේසුස් වහන්සේට රැකවරණය සැලසූ සේක.
දෙවි පියාණන් වහන්සේ අප ද මේ ලෙසට ම නිරතුරුව රැක බලා ගන්නා සේක.
මෙසේ අප රැක බලාගන්නා දෙවිපියාණන් වහන්සේට ප්‍රශංසා
වේවා!
ආදරණීය දෙවිපියාණන් වහන්ස, අද දවසේත් සැමදාමත් මා
ආරක්ෂා කරගනු මැනව.
ආමෙන්.