13 - පොත් පෙරහැර
ගුරුතුමී : අපි දෙවන ශ්‍රේණියේ දී පෙරහැරක් පැවැත්වූවා දුවලා පුතාලට මතක ද?
සිසුහු : ඔව්, අපට මතකයි, එදා මල් පෙරහැර හරිම ලස්සනයි.
සුමුදු : මම එදා පෙරහැරේ කොඩියක් අරන් ගියා.
ගුරුතුමී : වෙන කවුද කොඩි අරන් ගියේ?
සමීර : මම (සමීර අත ඉස්සුවා.)
සුබෝධ : මම තමයි ඛෙර ගැහුවේ.
පියුමි : මම මල් ගස අරන් ගියා.
රන්දික : මම තමයි කස කාරයා.
සිසුහු : අපට ගුරුතුමී කිවුවේ මල් අරන් යන්න කියලනේ,
අපි මල් අරන් ගියා.
ගුරුතුමී : බොහෝම හොඳයි, අපේ මල් පෙරහැර ගැන හැම දෙනාට ම හොඳට මතකයි. මේ සැරෙත් අපි පෙරහැරක් යමුද?
සිසුහු : ඔව්, අපි මල් පෙරහැරක් යමු.
ගුරුතුමී : නැහැ දරුවනේ, අපි පොත් පෙරහැරක් යමු.
සිසුහු : පොත් පෙරහැරක් ? කොහොම ද පොත් පෙරහැරක් යන්නෙ?
ගුරුතුමී : පෙරහැරේ අපි අරන් යන්නේ පොත්. පෙරහැරේ මුලින් ම “පුංචි අපේ පොත් පෙරහැර” කියලා ලියපු පුවරුව. ඊට පස්සේ හේවිසි කණ්ඩායම. ඊට පස්සෙ පොත් පෙරහැර. පොත් ගෙනියන්න ඕන හිස මත තියාගෙනයි. කවුරුත් හිස මතට පිරිසිදු සුදු ලේන්සුවක් දාගන්නව නම් බොහොම හොඳයි. ඊට පස්සෙ පේළියට ගමන් කරන්න ඕන.
පියුමි : පෙරහැර යන්නේ කොහාට ද?
ගුරුතුමී : අපේ පාසලේ පුස්තකාලයට, පන්ති පුස්තකාලයට. පොත් අඩු පාසලක හෝ පන්සලක පුස්තකාලයට යන්නත් අපට පුළුවන්.
සිසුහු : ඒක නම් හරි ම හොඳයි ගුරුතුමී. ඒත් අපි පොත් හොයා ගන්නේ කොහොම ද? අපට පොත් ගන්න සල්ලි ඕනනේ.
ගුරුතුමී : නෑ දරුවනේ, ඔයගොල්ලෝ අද ඉඳන් කියවන පොත් එකතු කරන්න. ඔයාලගේ අම්මා, තාත්තා, අයියා, අක්කා පාවිච්චි කළ පොත් ඒ අයගෙන් ඉල්ලා ගන්න. ඔයාලත් පාවිච්චි කළ, කියවන පොත් අරන් එන්න. කැමැති අය අලූත් පොත් දුන්නොත් ඒවත් ගේන්න.
සුබෝධ : ගුරුතුමී, අපේ ගෙදර පොත් ගොඩාක් තියෙනවා, මම ඒවා අරන් එන්නම්.
රොෂාන් : අපේ තාත්තට කියලා පොත් අරන් දෙන්න මට පුළුවන්.
සිසුහු : අපටත් පොත් ගේන්න පුළුවන්.
ගුරුතුමී : හැමෝම එහෙනම් පොත් අරන් එන්න. අපේ පාසලේ ගුරුවරු අපට උදවු කරයි. පොත් ලැබුණට පස්සේ ඒවා අපි පිළිවෙළකට වර්ග කරමු. පන්තියේ ළමුන් සියලූ දෙනාට ම ඒ පොත් භාර දීලා පෙරහැර සූදානම් කරමු.