පන්සලට යන සඳ
පා හිස්වැසුම් නොපැලඳ
සුදු ඇඳුමින් නිබඳ
සැරසිලා ගොස් කරමු මුනි පුද
කෙළි කවට බස් තද
නොකියා සංවරව හිඳ
මහ සඟන දුටු සඳ
නැගිටලා ගරු කරමු නිති වැඳ
වෙන ආගම් වලට
පූජක තුමන්ලා හට
ගරු කළ යුතු බවට
සිහි තබා ගත යුතු ය සැම විට
මහ සඟ රුවන හට
පනවා තිබෙන අසුනට
ගොසින් හිඳ ගැනුමට
එපා එය පාපයකි අපහට
මළු මංපෙත් ඇමද
මල් පහන් සහ සුවඳද
පුදමින් ඇදිලි බැඳ
වඳිමු සිහිකර මුණිදු ගුණකඳ
ඔවා මිණි පලඳන
ගුරු මවු පියන් නමදින
හොඳ දරුවන් ලෙසින
රැක ගනිමු අපි සැවොම යහ ගුණ