ශු. මාක් 3 : 13-19

ජේසුස් වහන්සේ තම සේවය සඳහා තමන් සමග සිටිනු පිණිසත් සුබඅස්න දේශනා කිරීමට යවනු පිණිසත් විශේෂ ආකාරයෙන් දොළොස් දෙනෙකු පත් කළ සේක. ඔවුන්ට ප්‍රේරිතයන් යැයි නම් තැබූ සේක. ඔවුන්ට දුෂ්ටාත්ම දුරු කිරීමේ බලය ද පැවරූ සේක. අපි ඒ ප්‍රේරිතයන් දොළොස් දෙනා හඳුනා ගනිමු.

මම සීමොන්. ජේසුස් වහන්සේ මා හැඳින්වූයේ පේදුරු කියලා.

මම ජාකොබ්                     මම ජොහන්

අපි දෙදෙනා සහෝදරයෝ. අපේ පියා සෙබදි. ජේසුස් වහන්සේ අප බෝවනර්ගස් ලෙස හැඳින්වූවා. එහි තේරුම ගර්ජනාවේ පුත්‍රයෝ.

මම ඇන්ඩෘෘ

මගේ නම පිලිප්

මම බර්තොලමෙව්

මම මතෙව්

මගේ නම තෝමස්

මම ජාකොබ්. මාව කවුරුත් හඳුන්වන්නේ අල්පෙවුස්ගේ පුත් ජාකොබ් කියලා.

මගේ නම තද්දෙවුස්

මගේ නමත් සීමොන්. මාව අන්ත ජාතිවාදී සීමොන් ලෙස තමයි හැමෝ ම හඳුන්වන්නේ.

මම ජූදස් ඉස්කාරියෝත්

ගීතය

පේදුරු ඇන්ඩෘෘ ජාකොබ් ජොහන් පිලිප්
බර්තොලමෙව් මතෙව් තෝමස්
අල්පෙවුස්ගේ පුත් ජාකොබ් සීමොන්
තද්දෙවුස් සහ ජූදස් ඉස්කාරියොත්
මාර්ක්තුමා සිය සුබ හසුනේ මේ ලෙසින් හඳුන්වා දුන්නේ
ජේසුතුමාගේ ගෝලයන් දොළොස් දෙනාවයි
ගෝලයන් දොළොස් දෙනාවයි

ජේසුස් වහන්සේගේ ගෝලයන් මෙන් මම ද ඒ මඟ යමි.

යාච්ඤාව
ආදර ජේසුස් වහන්ස, ඔබ වහන්සේ ප්‍රේරිතයන් දොළොස්
දෙනෙකු තෝරාගත් සේක. ඔවුන් තුළින් ලෝකයේ විවිධ
දිශාවන්ට ශුභාරංචිය ප්‍රචාරය කිරීම ගැන ඔබ වහන්සේට ස්තූතියි.
මමත් ඔබ වහන්සේගේ ගෝලයකු වන්නට කැමැත්තෙමි.
ආමෙන්.