4 - අමුතු කතා
පින්තූර මගින් කතා කීම ඈත කාලයේ සිට පැවත එන ක්‍රමයකි. පින්තූර කතා කියවීමට අපි කැමැත්තෙමු. චිත්‍ර කතා යනු පින්තූර බහුලව භාවිත කරමින් ඉදිරිපත් කෙරෙන කතන්දර වර්ගයකි. ටින් ටින්ගේ වීර ක්‍රියා, ඇස්ටරික්ස් ආදිය ලෝකය පුරා අදත් ජනප්‍රිය චිත්‍ර කතා වේ. දිගු කතා ලෙස ද ඇතැම් විට ඉතා කුඩා කතා ලෙස ද චිත්‍ර කතා දැකිය හැකි ය. ළමා පුවත්පත්වල කොටස් වශයෙන් මෙන් ම තනි කථාංග වශයෙන් ද චිත්‍ර කතා පළ වෙයි.
බටකොළ ආච්චි, බූ බබා ආදි චරිත අපට හඳුන්වා දුන් එස්.ඒ. දිසානායක මහතාගේ චිත්‍ර කතා නිර්මාණ කිහිපයක් මේ පාඩමට ඇතුළත් වෙයි. එතුමාගේ චිත්‍ර කතා එකල ඉතා ජනප්‍රිය විය. ඔහු විසින් නිර්මාණය කරන ලද 'අමුතු කතා' පළ වූයේ තනි කථාංග වශයෙනි. එබඳු කථාංග තුනක් මෙහි ඉදිරිපත් කර ඇත.
