7 - සරු පොළොවක් අපට ඇතේ
වෙරළ වටා මුතුපර වැටියයි
ඉන්දිය සයුරේ මුතු ඇටයයි
පාට පාට මැණික් ජාති
පසට යටින් කැටි වේ
රත්නදීප පොළොව තුළින්
ධන නිධාන මතු වේ
මහවැලි නිල්වලා ගඟයි
කළු වලවේ කැලණි ගඟයි
ගමින් ගමට
ගලා ගොසින්
ගොඩයි මඩයි පොහොර කරයි
පලා පැහැය හැම කල්හි ම
රැඳී දිලෙන පොළොවේ
ඉවත දමන දඬුව වුව ද
දලූ ලා යළි පැළ වේ
සීගිරියේ ලෙන් දොරකඩ
සිටින සුරංගනාවෝ
දෝත පුරා මල් අරගෙන
අපට සුවඳ ගෙනාවෝ
නිල් පලසක් එළුවා සේ
රුහුණු රටේ වෙල් යායයි
පිය ගැට පෙළ කැපුවා සේ
උඩරට පොඩි ලියදි පෙළයි
