1 - දේව ආදරයට ප්‍රතිප්‍රේමය
දෙවියන් වහන්සේ අප මවා ඇත්තේ ඔවුන් වහන්සේගේ ස්වරූපයට සමානව ය. දෙවියන් වහන්සේගේ උතුම් ම මැවිල්ල වන මිනිසා, අන් සියලූ සත්ත්වයන්ගෙන් වෙනස් වන්නේ ඒ නිසා ය.
මනුෂ්‍යයාට විශේෂ දීමනා ලැබී ඇත. දෙවියන් වහන්සේගේන් ලද මෙම දීමනා අප වර්ධනය කර ගත යුතු ය.
මිනිසත් බව ගෙන මෙලොවට වැඩම කළ දේව පුත්‍රයා වු ජෙසුස් වහන්සේ ද මෙම දීමනා වර්ධනය කර ගනිමින් වැඩුණු සේක.
එදා ජෙසුස් වහන්සේ මෙන් අප ද අපට ලැබී ඇති දීමනා වර්ධනය කර ගත යුතු ය. අප ජීවත් වන ඕනෑ ම පරිසරයක දී උතුම් මිනිස්කම ඉස්මතු වන අයුරින් හැසිරීමට අප උත්සාහ කළ යුතු ය. කිතුනු වටිනාකම් ප්‍රගුණ කර ගත හැකි එවැනි අවස්ථා කිහිපයක් ගැන අපි දැන් සලකා බලමු.
