සුවය සමිඳුගෙන් පතමු - සුවය සමිඳුගෙන්
සුවය/// පතමු සුවය සමිඳුගෙන්

දුවේ, පුතේ, ඔයාලා අහලා තියෙනවා නේද දේව ප්‍රසාධ නිධාන හතෙන් එකක් වන රෝගීන්ගේ ආලේපය ගැන. මෙමගින් සුවය දානය කරනු ලබන නිසා ම සුව සහනයේ දේව ප්‍රසාධ නිධානය ලෙස ද හඳුන්වනු ලබනවා. රෝගී වු අයට පුජා ප්‍රසාදිතුමන් විසින් මෙම දේව ප්‍රසාද නිධානය දානය කරනු ලබනවා.

රෝගීන්ගේ ආලේපය ලබා දෙන අවස්ථා
 අසාධ්‍ය ලෙස ශාරීරිකව රෝගි වූ අයට
 බරපතළ සැත්කම්වලට ලක් වන අයට
 මරණාසන්නව සිටින අයට
 හදිසි අනතුරුවලට ලක් වූ අයට

මෙම දේව ප්‍රසාධ නිධානය ලබාගැනීම මගින් ආත්මික හා මානසික සුවය පමණක් නොව ශාරීරික සුවය ද ලබාගන්නට හැකි වෙනවා. 

ඔයාලා අහලා තියෙනවා ද ජේසුස් වහන්සේ සුවය ලබා දුන් විවිධ අවස්ථා ශුද්ධ බයිබලයේ තිබෙන බව. ඒ එක් අවස්ථාවක් තමයි, පේදුරු තුමාගේ නැන්දණියට සුවය දානය කිරීම.

දවසක් ජේසු සමිඳුන් පේදුරු තුමාගේ නිවසට යන විට පේදුරු තුමාගේ බිරියගේ මවට ඉතා දරුණු උණ රෝගයක් වැලඳී ඇති බව දැන ගන්නට ලැබුණා. එහි සිටි අය රෝගී තැනැත්තිය සුව කර දෙන ලෙස ජේසු සමිඳුන්ට කන්නලවු කළා. ජේසු සමිඳුන් පේදුරුතුමාගේ නැන්දණිය වෙතට ගොස් උණ රෝගය පහව යන ලෙස අණ කළා. ඒ මොහොතේම ඇය සුව වුණා. පසුව ඇය විසින් ම පැමිණ සිටි අයට සංග්‍රහ කරන ලද බව ශුද්ධ බයිබලයේ සඳහන් වෙනවා.