ශු. මතෙව් 18 : 21 - 35

ජේසුස් වහන්සේ්ගේ ප්‍රධාන ගෝලයා වු පේදුරු දිනක් එතුමා වෙත පැමිණ ප්‍රශ්නයක් ඇසුවේ ය. එනම් තමාට විරුද්ධව පව් කරන තම සහෝදරයාට තමා කී වාරයක් කමා විය යුතු ද යනුවෙනි. තව දුරටත්
පේදුරු, "තම සහෝදරයාට කමා විය යුත්තේ සත්වාරයක් ද?" යනුවෙන් විමසී ය.ජේසුස් වහන්සේ්ගේ ඔහුට පිළිතුරු දෙමින් "සත්වාරයක් නොව, සත්වාර සැත්තාවකි" යනුවෙන් පිළිතුරු දුන් සේක. උන්වහන්සේ එයින් අදහස් කළේ අන් අයට කමාව දීමේ දී සීමාවක් රහිතව කමාව ලබා දිය යුතු බව ය.

ජේසුස් වහන්සේ් තව දුරටත් කමාව දීම පිළිබඳව පැහැදිලි කිරීම සඳහා උපමා කතාවක් කී සේක. එම උපමා කතාව පහත දැක්වෙන කවි පෙළෙන් ඉදිරිපත් වේ.

1.මිල කළ නොහැකි අගනා මුතු මැණික්            වැනි
   ඉගෙනුම් කියුම් උපමා බයිබලයේ                 ඇති
   කමා වන්න හැම විට නොම වී                   මසුරූ
   ජේසුතුමන් පවසා දෙයි මේ                       අයුරූ

2. රජෙක් වී ය සම්පත් නෙක ලත්                 අනගී
    හඬනා මිනිසකුව ඔහු වෙත ගෙනෙන             ලදී
    රුපියල් කෝටි දෙකකට වැඩි ණය              සපිරී
   කෙලෙසින් මෙණය ගෙවනෙම් දැයි ඔහු       නොදනී

3. ඔහු සතු සියලූ දේ දරු පවුලත්                සමගින්
    විකුණා ණය ගෙවන්නට දුනි අණ             රජිඳුන්
    වැටෙමින් දණින්, හඬමින් රජු වෙත        තැවෙමින්
    කල් ඉල්ලූවා, තම ණය ගෙවමියි             කියමින්

4. හඬනා මිනිසාගෙ දුක දුටු ඒ                    රජිඳුන්
    කමා වෙමින් අනුකම්පා හද                    රඳමින්
    මුළු ණය ගෙවීමෙන් නිදහස් කර              හරිමින්
    පිටත් කළේ ඒ මිනිසා හද                     සතුටින්

5. සතුටින් ඉපිලෙමින් මඟ යන මේ             මිනිසා
    දුටුවේ තවත් මිනිසකු එයි මඟ                හරහා
    රුපියල් දෙසීයක් ඔහු ඇත ණය              පෙරදා
    ඇවැසියි මෙණය ඔහුගෙන් මට යයි          සිතුවා

6. කල් ඉල්ලූවත් ණය ගෙවමියි පසුව            කියා
    නොම දුන් කමා, හෝ කාලය මේ           මිනිසා
    අල්ලා හිර ගෙදර දමමින් දුක්                දුන්නා
    රජතුමාට මිනිසුන් මෙය සැළ              කෙරුවා

7. කැඳවා විමසුවේ රජිඳුන් මේ                  මිනිසා
    මා ඔබ වෙතට දුන් ඒ මහ කමා               ගුණා
    ඇයි ඔබ නොදුන්නේ ඒ සුළු ණයට            කමා
    දැමුවේ හිර ගෙදර රජිඳුන් මේ                මිනිසා

8. ජේසු තුමන් අද අප හට                  පවසන්නේ
    නිමක් නැතිව කමාව පිරිනමන               ලෙසේ
    දෙවිඳුන් අපට දුන් නිම් නැති කමා            ගුණේ
   ගමන් කරමු ලෝ හට එය ගෙන              යමිනේ

ජේසුස් වහන්සේ ඉගැන්වූ ලෙස අන් අයට අපි සීමා
රහිතව කමා වෙමු!