"වෙසක් මහ මල් මහයි. මල් දකින විට මට වෙසක් සිහි වෙනවා. ඒ නිසයි මේ ගීය ලියැවුණේ, වෙසක් සමග මගේ ගීයත් ගැයේවා"යි කියා පතමින්. ඒ පැතීම තවමත් ඉටු වෙනවා." මර්සලින් ජයකොඩි පියතුමා මේ ප්‍රකාශය කළේ 'වෙසක් විනෝදය' නම් සිය ගී පද පෙළ වෙනුවෙනි. මේ ගී පද පෙළ 'රේඛාව' චිත්‍රපටය සඳහා ගීතයක් ලෙස නිර්මාණය විය. සුනිල් සාන්ත මහතා සංගීතය නිර්මාණය කළ මේ ගීතය ගායනා කළේ ඉන්ද්‍රානි විෙජ්බණ්ඩාර මහත්මියයි. වෙසක් සමයේ පරිසරයේ සුන්දරත්වය පාදක කර ගත් මේ ගීත නිර්මාණය රස විඳිමු.

වෙසක් කැකුළු අතු අග හිඳ නටන විලාසේ
ඉරෙත් හෙඳත් සිරි විඳ විඳ රඟන විලාසේ
පියලි සලාලා - රේණු හලාලා

සුවඳ උරා සිසිල් සුළං හමන්නේ
ලොව මැ අවදි වෙමින් අමුතු පණක් ලබන්නේ

දවට ගහේ ගහ මුදුනේ කොහා හඬන්නේ
කෑරලා ද නාද දෙමින් ගහට කොටන්නේ
ටිං ටිං සද්දේ - ඒ මැද ඇද්දෙ

ගම වට කර කුරුලූ‍ ගීත ඇසෙන්නේ
ලොව මැ අවදි වෙමින් අමුතු පණක් ලබන්නේ

කදා වළලූ‍ දෑත දිගේ ටිකිරි ලියන්නේ
ටිකිරි ටිකිරි වළලූ‍ හඬයි ළපටි ළඳුන්නේ
ගීත ගයන්නේ - ගයා නටන්නේ

කොලූ‍ කෙලි පොදි ගී ගයමින් නටන්නේ
ලොව මැ අවදි වෙමින් අමුතු පණක් ලබන්නෙ