12 - සේවය සඳහා ස්ථාපිත දේව ප්‍රසාද නිධාන
මේ සඳහා ස්ථාපිත කළ දේව ප්‍රසාද නිධාන දෙකකි;
1. පූජකවරය : ක්‍රිස්තුන් වහන්සේ තමන් වහන්සේගේ අපෝස්තුලූවරුන්ට පැවරූ දුත සේවාව අඛණ්ඩ ව ලෝකය අවසානය දක්වා පවත්වා ගෙන යාමට ස්ථාපිත කළ දේව ප්‍රසාද නිධානය යි.
2. ආශිර්වාදකාර බන්ධනය : ආශිර්වාදකාර බන්ධනය පුරුෂයකු හා ස්ත්‍රියක අතර ජීවිතාන්තය දක්වා පවතින ගිවිසුමකි. දෙදෙනා අන්‍යොන්‍ය වශයෙන් සහාය වෙමින්, ප්‍රේමය තුළ පරිපූර්ණත්වයට පත්වේ. ඔවුන් දරුවන් බිහිකර, ගුණ ගරුක දරුවන් ලෙස ඔවුන් ව හදා වඩා ගනියි.
මේ දේව ප්‍රසාද නිධාන දෙකෙන් ම දේව ජනතාව ගොඩනැගෙයි. පුජකවරු මීසම තුළ ද දෙමාපියෝ නිවස තුළ ද යහපත් පරිසරයක් ගොඩනගමින් තමන් පුජකවරය හෝ ආශිර්වාදකාර බන්ධනය හෝ ලැබූ දින කැප වූ සේවාව කර ගෙන යති.
පූජකවරය
ජේසුස් වහන්සේ මහා බ්‍රහස්පතින්දා දින පහත සඳහන් වචන කියමින් දිව්‍ය සත්ප්‍රසාද වහන්සේ නමැති දේව ප්‍රසාද නිධානය ස්ථාපිත කළ සේක.
පූජාප්‍රසාදීන් වහන්සේලා දිව්‍ය පූජාව පවත්වමින් අන්තිම රාත්‍රි භෝජනයේ දී ජේසුස් වහන්සේ ස්ථාපිත කළ එම දේව ප්‍රසාද නිධානය අඛණ්ඩ ව සිහි කරති. තව ද පූජකවරය මගින් ආත්මය තුළ නොමැකෙන ලාංඡනයක් සනිටුහන් වේ. එම නිසා මෙම දේව ප්‍රසාද නිධානය ලබා ගත හැක්කේ එක් වරක් පමණි.
පූජාප්‍රසාදිතුමන්ලාගේ සේවාවන්
- සුවිශේෂය දේශනා කිරීම
- සැබෑ එඬේරකු වීම
- දිව්‍ය පූජාව පැවැත්වීම
- දේව ප්‍රසාද නිධාන දානය කිරීම
- දෙවියන් වහන්සේ හා ජනතාව අතර මැදිහත්කරුවකු වීම
- දේව ජනතාව දෙවියන් වහන්සේ වෙතට රැගෙන යාම
- මීසම් ජනතාවට අවශ්‍ය ආත්මික උපකාර ලබා දීම
- ජනතාව ආසිරි ගැන්වීම
- දහම් පාසල් පවත්වා ගෙන යාම
- දහම ඉගැන්වීම
- අවමංගල්‍ය පිළිවෙත් පැවැත්වීම
- නිවෙස් සහ පවුල් බැහැදැකීම
- දිළිඳුනට උදව් උපකාර කිරීම.
මෙලෙස අපට සහාය වන පූජාප්‍රසාදිතුමන්ලාගේ කාර්ය සාර්ථක කර ගැනීම සඳහා එතුමන්ලාට සහාය වීම කිතුනු දරුවන් වන අපගේ යුතුකමකි. ඒ නිසා අපි සැම, එතුමන්ලාගේ සේවයට සහාය වෙමු. පහත පින්තූරවලින් එවැනි අවස්ථා කිහිපයක් දැකිය හැකි ය.
ආශිර්වාදකාර බන්ධනය
ආශිර්වාදකාර බන්ධනය ස්ථාපිත කිරීම
දෙවියන් වහන්සේ විසින් ආරම්භ කළ විවාහය, ජේසුස් වහන්සේ දේව ප්‍රසාද නිධානයක තත්ත්වයට උසස් කළ සේක.
දෙමව්පියන් වෙනුවෙන් දරුවන්ගේ යුතුකම් හා වගකීම්
මෙම චිත්‍රය දෙස බලන්න. තම දෙමාපියන්ගේ දෙපා නමදින දරුවන් දෙදෙනකු ඔබට දැකිය හැකි ය. එලෙස අපිත් නොපැකිළ ව අපගේ දෙමාපියන්ගේ දෙපා නැමදිය යුත්තෙමු. එමෙන් ම අප වෙනුවෙන් දිවි කැප කරන ඔවුනට
අප සහාය විය යුතු ය. ශිෂ්‍යයින්ලෙ ස අපගේ අධ්‍යාපන කටයුතු සාර්ථක කර ගනිමින්, ඔවුන්ස තුටු කළ යුතු ය. නිතර ම ගෙදර සාමය ඇති කරන ආකාරයේ ක්‍රියාවල නිරත විය යුතු ය. මන්ද ඔවුහු අපට ජීවිතය ලබා දී අප පෝෂණය කරති. අපට අධ්‍යාපනය ලබා දෙති. අපගේ ආධ්‍යාත්මික කටයුතු පිළිබඳ ව සොයා බලති. අප උනන්දු කරවති.