5.3 - කෘෘව් - මැකලම් ආණ්ඩුක්‍රම ප්‍රතිසංස්කරණය 1910
1910 වර්ෂය වන විට ලංකාවේ ආණ්ඩුකාරධුරය දැරූ හෙන්රි මැකලම් ආණ්ඩුකාරවරයාගේ නිර්දේශ පදනම් කොටගෙන යටත් විජිත භාර ලේකම් කෘෘව් සාමිවරයා විසින් 1910 වර්ෂයේ නොවැම්බර් මාසයේ දී නව ආණ්ඩුක්‍රම ප්‍රතිසංස්කරණයක් මෙරටට ලබා දෙන ලදි. එය කෘෘව්-මැකලම් ආණ්ඩුක්‍රමය වශයෙන් හැඳින්වේ. මෙම ආණ්ඩුක්‍රමය යටතේ ව්‍යවස්ථාදායක සභාවේ සාමාජික සංඛ්‍යාව 21 දක්වා වැඩි කර තිබුණි. නිල ලත් පිරිස 11 දෙනෙකු වූ අතර 10 දෙනෙක් නිල නොලත් සාමාජිකයෝ වූහ. එකී නිල නොලත් සාමාජිකයන් 10 දෙනා වාර්ගික නියෝජන ක්‍රමයෙන් හය දෙනෙකු ද සීමිත ඡන්ද බලයෙන් හතර දෙනෙකු ද (යුරෝපීය දෙදෙනෙක් ද බර්ගර් එක් අයෙකු හා උගත් ලාංකිකයන් එක් අයෙකු) වශයෙන් පත් කෙරිණ.
ඉහත සටහන දෙස බලන විට ව්‍යවස්ථාදායක සභාවට නියෝජිතයන් තෝරා ගැනීමේ දී ඡන්ද බලයෙන් නියෝජිතයන් තෝරා ගැනීමට ඉඩ ලැබීමත් උගත් ලාංකිකයන් වෙනුවෙන් එක් නියෝජිතයෙක් තෝරා ගැනීමට අවස්ථාව සලසා දී තිබීමත් මෙම ප්‍රතිසංස්කරණයේ කැපී පෙනෙන ලක්ෂණ වේ.
උගත් ලාංකිකයන් වෙනුවෙන් නියෝජිතයෙකු තෝරා පත් කර ගැනීම නිසා මෙරට මධ්‍යම පන්තියට ව්‍යවස්ථාදායක සභාව නියෝජනය කිරීමට ඉඩ ලැබුණි. මෙම ධුරය සඳහා මුල්වරට පත් වූයේ පොන්නම්බලම් රාමනාදන් මහතා ය.