අන්ෆල් නින්දේ දී තමන්ට ඇතිවුණු අසාමාන්‍ය සිදුවීමක් හේතුවෙන් අවදි විය. තමන්ට ඇති වුණු මෙම අසාමාන්‍ය සිදුවීම පිළිබඳ ව සිය මිතුරාට ප්‍රකාශ කළේ ය. "අප වැඩිවියට පත්වන අවස්ථාවේ දී මෙවැනි දෑ සිදු වේ. මේ පිළිබඳ ව කලබලයට පත් විය යුතු නැත. ස්නානය කර පිරිසිදු කර ගත්තේ නම් ප්‍රමාණවත් ය," යනුවෙන් මිතුරා ප්‍රකාශ කළේ ය. නමුත් ඔහු සෑහීමට පත්වූයේ නැත. ඉස්ලාම් ගුරුතුමා වෙත ගොස් මේ පිළිබඳ ව දෙගිඩියාවකින් යුතුව ප්‍රකාශ කළේ ය. "අද දින ඉස්ලාම් පාඩමෙහි ඉගැන්වීමට යන්නේ ද මෙම මාතෘකාවයි. මෙවැනි දේ සිදු වූ විට අනිවාර්ය ස්නානය ඉටු කරන බවට නියියත් තබා ස්නානය කළ යුතුයි" යැයි ගුරුතුමා පැවසුවේ ය.
හයවන කාලපරිච්ඡේදයේ සීනුව නාද කිරීමෙන් අනතුරු ව මෞලවි ගුරුතුමා පංතියට පැමිණ පාඩම ආරම්භ කළේ ය.
"ඔබ "ජනාබත්" යන වචනය අසා තිඛෙන්නෙහු ද ?" යැයි ගුරුතුමා ඇසුවේ ය. "ජනාබත්" යනු අරාබි පදයකි. මෙහි අර්ථය 'කිල්ල' යන්නයි. "මේ පිළිබඳ ව මම "මද්රසාවෙහි" ඉගෙන ගත්තෙමි." යනුවෙන් හිෂාම් පැවසුවේ ය.
හොඳයි, මිනිස් ශරීරයේ ස්වාභාවික ව ඇතිවන යම් තත්ත්ව හේතුවෙන් ස්නානය කිරීම අනිවාර්ය වේ. "ජනාබත්" යන පදය අඟවන්නේ ද මෙයයි.
"අල්" හදසුල් අක්බර්" (මහා කිල්ල) යනුවෙන් ද හැඳින්වෙයි. මෙසේ අපිරිසිදු ව සිටින්නාට "ජුනුබ්" යැයි පවසමු.
"ජනාබත් හෙවත් අපිරිසිදු තත්ත්වයට පත් වුවහොත් ස්නානය කර පිරිසිදු කර ගන්න." (5:6) යනුවෙන් අල්-කුර්ආනයේ සඳහන් වෙයි. "හයිල් (මාසික සෘතුව) ඇති වූ විට සලාතය අත් හරින්න. එය අවසන් වූ විට ස්නානය කර සලාතය ඉටු කරන්න." යැයි නබි සල්ලල්ලාහු අලෛහි වසල්ලම් තුමාණෝ එක් කාන්තාවකට උපදෙස් දුන්හ. "මෙය ද එක්තරා කිල්ලක් වේ. මෙසේ "ජනාබත්" ඇති වූ විට ස්නානය කර පිරිසිදු කර ගත යුතුයි."
"ජනාබත්" ඇති කරවන කරුණු මොනවා ද? යන්න අප දැනගත යුතුයි. මෙය ගැන කෙනෙකුට කිව හැකි ද? යැයි ගුරුතුමා ප්‍රශ්න කළේ ය. සවස් කාලයේ මද්රසාවට යන හුස්නි නැඟිට ගුරුතුමාගේ අවසර ලබා ගෙන මෙසේ ප්‍රකාශ කළේ ය.
මෙහි දී කාන්තාවන් පිළිබඳ කරුණු පමණක් මම කෙටියෙන් පවසමි. නියමිත වයසේ දී ස්ත්‍රී පුරුෂ දෙදෙනා ම වැඩිවියට පත් වෙති. පිරිමින් වැඩිවියට පත් වීමේ සලකුණක් වශයෙන් ශුක්‍ර මෝචනය වේ. ස්ත්‍රීන් වැඩිවියට පත්වීමේ සලකුණක් වශයෙන් 'හයිල්' හෙවත් රුධිර වහනය සිදු වේ. මෙය 'මාසික සෘතුව' යනුවෙන් ද පවසමු. මෙය අවම වශයෙන් එක් දිනකින් අවසන් වේ. ඇතැමුන්ට දින පහළොවක් වනතුරු සිදු විය හැකි ය. පොදුවේ සතියක් තුළ දී අවසන් වේ. 'නිෆාස්' යනු දරු ප්‍රසූතියේ ඇති වන රුධිර වහනය වීම වේ. මෙහි කාල සීමාව අවමය විනාඩියක් ද, උපරිමය දින 60ක් ද වේ. බොහෝ විට දින හතළිහකින් මෙය අවසන් වේ. මෙසේ 'හයිල් , නිෆාස්' අවසන් වූ විට දිය නා පිරිසිදු විය යුතුයි. මෙම කාලය තුළ ස්ත්‍රීන් සලාතය ඉටු කිරීම, "අල්-කුර්ආනය" පාරායනා කිරීම, එය ස්පර්ෂ කිරීම, උපවාසය ඉටු කිරීම වැනි කටයුතුවලින් වැළකී සිටිය යුතුයි. තමන් පිරිසිදු වීමෙන් පසු තමන්ට අතපසු වූ සලාතයන් නැවත ඉටු කිරීම අනිවාර්ය නැත. නමුත් "ෆර්ල්" වූ "සව්ම්" නැවත ඉටු කළ යුතු ය. ගුරුතුමා බ්‍රිස්ට්ල් බෝඩ් එකක් දිග හැර බිත්තියේ එල්ලා එය ප්‍රදර්ශනය කළේ ය.
"ජනාබත්" වු අය නොකළ යුතු දේ
එක් ශිෂ්‍යයකු මෙය ශබ්ද නඟා කියවන විට සෙසු ශිෂ්‍යයෝ එයට සවන් දුන්හ.
මේ සමඟ ම තවත් දෙයක් ගැන ද දැන ගත යුතුයි. අපගේ ලිංගික අවයවවලින් ශුක්‍ර තරලයට අමතරව මුත්‍ර, මදි, වදී වැනි ද්‍රවයන් ද පිට වේ. මෙය "නජීස්" වේ. මෙය පිට වූ විට දිය නෑම අනිවාර්ය නොවුව ද එම ස්ථානය සෝදා පිරිසිදු කර ගත යුතුයි," යනුවෙන් ප්‍රකාශ කරමින් ගුරුතුමා තවත් බ්‍රිස්ට්ල් බෝඩ් එකක් ප්‍රදර්ශනය කළේ ය.
අනිවාර්ය ස්නානය
ෂර්ත් (කොන්දේසි)
ෆර්ල්
සුන්නත්
ශිෂ්‍යයෝ නිහඬ ව පොත කියවති. අපැහැදිලි වූ කුමක් හෝ තිඛෙන්නේ දැයි ගුරුතුමා විමසා, අවශ්‍ය වන විස්තර ලබාදීමෙන් පසු ව මතු සඳහන් හදීස් සමඟ පන්තිය අවසන් විය.
"නබි සල්ලල්ලාහු අලෛහි වසල්ලම් තුමාණෝ "ජනාබත්" සඳහා දිය නෑමට පෙර දෑත් මැණික් කටුව දක්වා තෙවතාවක් සෝදා ගත්හ. පසු ව සලාතය සඳහා "වුළුඃ" කරන්නාක් සේ ම වුළුඃ කර ගත්හ. පසු ව තම ඇඟිලි ජලයේ දමා හිස කෙස්වල මුල් ප්‍රදේශය වන තෙක් ඇඟිලිවලින් ඇතිල්ලුහ. පසු ව තම දෙඅත්වලට තෙවරක් ජලය ගෙන හිසට වත් කර ගත්හ. ඉන් අනතුරු ව ශරීරය මුලූමණින් ම ආවරණය වන පරිදි ස්නානය කර පිරිසිදු කර ගත්හ." (තිර්මිදි)