23 - උදාන ගී
නමෝ මරියනි.... නමෝ මරියනි
නමෝ මරියනි ප්‍රසාද පූර්ණ වන්තිනි
දේව පුත්‍රයා ස්ප්‍රීතු සාන්තු වරමිනා....//
පිළිසිදීය දෙව් ඛෙලෙන්
ශ්‍රී ඔබේ කුසේ....//
කීර්ති පෑ ශ්‍රීයා සාමදානයේ පියා....//
සාරසේ දිලි සිරිත්
ශ්‍රී ඔබේ කුසේ....//
- මෙම ගීතිකාවේ දී ගායනා කරන්නේ කුමන සිද්ධියක් සම්බන්ධයෙන් ද?
- මෙම ගීතිකාවෙන් ප්‍රකාශ වන්නේ මොනවා ද?
දෙවියන් වහන්සේගෙන් ලත් විපුල වරප්‍රසාද හමුවේ විවිධ පුද්ගලයන් උන්වහන්සේට ප්‍රශංසා කරමින් ගායනා කළ ගීතිකා තුනක් නව ගිවිසුමේ දක්නට ලැබේ.
1. මරිය තුමියගේ උදාන ගීය (ලුක් 1:46-55)
මරිය තුමිය විසින් එලිසබෙත් තුමිය බැහැදැකීමට ගොස් සෙකරියස් තුමාගේ ගෙට ඇතුළු වී එලිසබෙත් තුමිය හට ආචාර කළ විට ඇයගේ කුසෙහි දරුවා ඉපිලෙන්නට විය. එවිට එලිසබෙත් තුමිය ශුද්ධාත්මයාණන් වහන්සේගෙන් පූර්ණ ව මරිය තුමියට ප්‍රශංසා කළ විට මරිය තුමිය මෙසේ උදන් ඇනුවා ය;
2. සෙකරියස් තුමාගේ ප්‍රශංසා ගීතය (ලුක් 1:68-79)
ගොළු ව සිටි සෙකරියස් තුමා ස්නාවක ජුවාම් තුමාගේ උත්පත්තියෙන් දින 8කට පසු කථා ශක්තිය ලැබ දෙවියන් වහන්සේට ප්‍රශංසා කරමින් මෙසේ පැවසී ය.
3. සිමියොන් තුමාගේ ප්‍රශංසා ගීතය (ලුක් 2:29-32)
ළදරු ජේසුස් වහන්සේ පිළිබඳ ව ව්‍යවස්ථාවෙහි සඳහන් වත්පිළිවෙත් ඉටු කරනු වස්, දෙමවුපියන් උන්වහන්සේ දේව මාලිගාවට ගෙනා විට, සිමියොන් තුමා උන්වහන්සේ දෝතින් වඩාගෙන මෙසේ දෙවියන් වහන්සේට ප්‍රශංසා කළේ ය;
කිතුනු අප ද දිනපතා යාච්ඤාව තුළ දෙවියන් වහන්සේට ප්‍රශංසා කිරීමට යොමු විය යුතු ය.