11 - දැහැමි දිවිය
ගසේ මුල් ශක්තිමත් ව පොළොවට ඇදගෙන තිබෙන්නා සේ අප ශක්තිමත් ව මුල් ඇද ගත යුත්තේ වරප්‍රසාදීය ජීවිතය නමැති සරු බිමට ය. යහපත් ජීවිතයක් ගත කරන්නේ නම් පාපය නමැති සතුරාට අප ව විනාශ කිරීමට නොහැකි ය. ගස හොඳින් වැඩී ඵල දරන්නා සේ අප දැහැමි දිවියක් ගත කරන්නේ නම් අපට ලැබෙන වරප්‍රසාද බහුල ව අප තුළ ඵල දරයි. සැමට යහපත ගෙන දෙයි. ගසක අත්තක වර්ධනය වන පිළිලයක් සේ පාපය ද අප විනාශ කරයි. කොපමණ පාඩුවක් වුවත් පාපී අවස්ථා විනාශ කර දැමිය යුතු ය; ඉවත් කළ යුතු ය.
ඕනෑ ම මොහොතක පාපය අප කරා පැමිණිය හැකි ය. එයින් වැළකි ජීවත් වීම සඳහා ශුද්ධ වූ සභා මාතාව එම පාපී අවස්ථා අපට මැනවින් පැහැදිලි කර දෙයි. ඒවා හඳුනා ගනිමු.
ප්‍රසාද ස්නාපනය මගින් ජන්ම පාපය ඉවත් කරනු ලැබේ
කර්ම පාපය සුළු පාපය හා බරපතළ (මරණීය) පාපය යනුවෙන් දෙවර්ගයකි.
- සම්පූර්ණ දැන ගැනීම
වයස අවුරුදු හතට පෙර සිදු කරන වැරදි මරණීය පව් නොව සුළු පව් වේ. - සම්පූර්ණ කැමැත්ත
යම් කිසි පුද්ගලයෙකුගේ බල කිරීමක් නිසා අකමැත්තෙන් කරන වරදක් මරණීය පාපයක් නොවේ. එහෙත් එය වරදකි. - 3. බරපතළ කාරණයක දී
විහිළුවකට කියන බොරුවක් බරපතළ කාරණයක් නොවන නමුදු උසාවියක දී පවසන බොරුවක් බරපතළ කාරණයකට උදාහරණයකි. විහිළුවකට කීවත් බොරු කීම වරදකි. සුළු පාපයකි. - 4. දේව පනතක් කඩ කිරීමක්
පාසලට පමා වී පැමිණීම දේව පනතක් කඩ කිරීමක් නොවන නමුදු ඉරුදින දිව්‍ය පූජාවට නොයාම දේව පනතක් කඩ කිරීමට උදාහරණයකි. එහෙත් එය වරදකි.
පාපය සුළු වුව ද එයින් වැළකීමට කටයුතු කළ යුතු ය. උණ රෝගය වැළදුන විට නොසලකා හැරියොත් එය නිව්මෝනියා තත්ත්වයට පත්විය හැකි ය. එයින් මිය යා හැකි ය. සුළු පාපය ද මරණීය පාපයක් දක්වා වර්ධනය වී ආත්මික ජීවිතය මිය යයි. පාපයක් නික්මෙන්නේ මුල්අගුණ පව් මුල් කර ගෙන ය. මුල්අගුණ පව් යනු අනෙක් බොහෝ පාපයන්ට මුල් වන පව් ය. මුල්අගුණ පාප හතකි. ඒවායින් වැළකීමට වර්ධනය කර ගත යුතු ධර්ම ගුණ ද හතකි.
ස්වර්ගයට මොර ගසන පව්වලින් හතරක් පහත දැක්වේ.
- මිනී මැරීම
- දුගීන්ට හිංසා කිරීම
- සේවකයින්ගේ වැටුප් වංචා කිරීම
- අස්වාභාවික මෛථුනය
එසේ ම ශුද්ධාත්මයාණන් වහන්සේට විරුද්ධ පව් හයකි.
දේව වරප්‍රසාදය යනු
දේව වරප්‍රසාදය ලැබීමෙන්
- කිතුනුවාගේ ජීවිතය නව මගකට පිවිසෙන්නේ ය.
- ඔහු දිව්‍ය ජීවිතයකට හවුල් වන්නේ ය.
- පාපී වූ ජීවිතයෙන් මිදීමට ද කෙලෙස් දමනය කර ගැනීමට ද අනුග්‍රහය ලබන්නේ ය.
දේව වරප්‍රසාද කොටස් දෙකකි.
දේව වරප්‍රසාද ලබා ගැනීමට නම් අප විසින් ශුද්ධවන්ත ජීවිතයක් ගත කළ යුතු ය. ශුද්ධවන්ත ජීවිතයක් ගත කිරීමට පාපයෙන් වැළකී සිටිය යුතු ය.
ඒ සඳහා පහත දෑ කළ හැකි ය;
- යාච්ඤා කිරීම
- යහපත් ක්‍රියා කිරීම
- දේව ප්‍රසාද නිධාන ලබා ගැනීම
ශුද්ධවන්ත ජීවිතයක් ගත කිරීමෙන් දේව වරප්‍රසාදීය ජීවිතයක් අත්විඳිය හැකි ය. එම නිසා එවැනි ජීවිතයක් ගත කිරීමට අඛණ්ඩ ව උත්සාහයක යෙදෙන්න. දැහැමි දිවියක් ගත කිරීමට ශුද්ධාත්ම වරම් පැතීමට අමතක නොකරන්න. අන් අය ද දැහැමි දිවියකට යොමු කරන්න.