ශු. ජොහාන් 4 : 46-54
කතානායක :
ගලීලයේ කානා නම් ගමට වැදගත්කමක් එක් කරමින්, ජේසුස් වහන්සේ සිය ප්‍රථම දේව බල ප්‍රකාශනය එහි සරණ මංගල්‍යයක දී සිදුකළ බව ඔබ අසා ඇත. මෙන්න කානා නුවර සිදු වූ තවත් ප්‍රාතිහාර්යයක්.
තරුණයා :
මෙවර දේව බල ප්‍රකාශනය අත්දැකීමට අවස්ථාව ලැබුවේ කවුද?
කතානායක :
ඔහු රාජ්‍ය නිලධාරියෙක්. හෙරොද් ඇන්ටිපස් රජුට සේවය කළ නිලධාරියෙක් බව පැහැදිලි වෙනවා. තම පුත්‍රයා රෝගාතුර ව කපර්ණවූමෙහි සිටි අතර ජේසුස් වහන්සේ ජුදයේ සිට ගලීලයේ කානා නම් ගමට වැඩම කළ බව ඔහුට අසන්නට ලැබෙනවා.
තරුණයා :
ඉතිං ඔහු සිය පුත්‍රයා කපර්ණවූමෙහි සිට කානාහි සිටි ජේසුස් වහන්සේ වෙත රැගෙන ආවා ද?
කතානායක :
නැහැ, ඔහු ම උන්වහන්සේ වෙතට ගියා. මොහොතක් සවන් දෙන්න. ඒ රාජ්‍ය නිලධාරියාගේ හා ජේසුස් වහන්සේගේ හමුවට.
රාජ්‍ය නිලධාරියා :
මහතාණෙනි, මාගේ පුත්‍රයා රෝගාතුර ව මරණාසන්න ව කපර්ණවූමෙහි සිටිනවා, කරුණාකර ඇවිත් ඔහු සුව කළ මැනවි.
ජේසුස් වහන්සේ :
ඔබ ලකුණුත් අරුම පුදුම දේත් දුටුවොත් මිස විශ්වාස කරන්නේ නැහැ.
රාජ්‍ය නිලධාරියා :
මහතාණෙනි, මගේ දරුවා මිය යන්නට පෙර වඩින්න.
ජේසුස් වහන්සේ :
යන්න ඔබේ පුත්‍රයා ජීවත් වෙනවා.
කතානායක :
මේ රාජ්‍ය නිලධාරියා ජේසුස් වහන්සේගේ වචනය විශ්වාස කරමින් යන්නට ගියා. මඟ දී ඔහු හමුවන්නට පැමිණි ඔහුගේ දාසයන් හමුවුණා.
තරුණයා :
ඔවුන් ඔහු හමුවන්නට පැමිණියේ ඇයි? විශේෂ හේතුවක් තිබුණා ද?
කතානායක :
ඔබ ම අසා දැනගන්න.
දාසයෝ :
ස්වාමීනී ඔබේ පුත්‍රයා ජීවත් වෙනවා.
රාජ්‍ය නිලධාරියා :
ඔහු සුව වන්නට පටන් ගත්තේ කොයි වේලාවේ ද? කරුණාකර මට කියන්න.
දාසයෝ :
ස්වාමීනි, ඊයේ පස්වරු එකට පමණ උණ බැස්සා.
රාජ්‍ය නිලධාරියා :
"ඔබේ පුත්‍රයා සුවපත් වන්නේ" යැයි එතුමා මට පැවසුවේ ඒ මොහොතේ දීයි. (තම සිතින් සිතා ගනියි)
කතානායක :
මේ මහා සුවයේ ප්‍රාතිහාර්යය අත්දුටුවේ එම රාජ්‍ය නිලධාරියා පමණක් නොවෙයි. ඔහුත් ඔහුගේ නිවසේ සියලූ දෙනාත් ජේසුස් වහන්සේ අදහා ගත්තා.
තරුණයා :
ජේසුස් වහන්සේ ගලීලයේ දී මෙවැනි ප්‍රාතිහාර්ය බොහොමයක් සිදු කර තිබෙනවා නොවේ ද?
කතානායක :
ඔව්, උන්වහන්සේ ජුදයේ සිට ගලීලයට පැමිණි පසු සිදු කළ දෙවන දේව බල ප්‍රකාශනය මෙයයි. උන්වහන්සේට සියලූ ගෞරවය ද මහිමය ද වේවා!
අපි දැන් එම සිදුවීමෙන් අපගේ ජීවිතවලට ලද හැකි ආදර්ශ විමසා බලමු.
රාජ්‍ය නිලධාරියාගෙන් විදහා දැක්වුණු චරිත ලක්ෂණ
මෙලෙස ජේසුස් වහන්සේ සුවය ගෙනෙන ජීවමාන දෙවියන් වහන්සේ බව ඔහු අත් දුටුවේ ය. ජේසුස් වහන්සේ සිදු කළ මහා ප්‍රාතිහාර්ය තුළ ස්වාමීන් වහන්සේගේ බල මහිමය අත්දුටහ. ගෙයි වැසි සියල්ලෝ ම උන්වහන්සේ අදහා ගැනීමේ ආශීර්වාදයට ඇතුළු වූහ.
අපි ද රෝග පීඩාවලට මුහුණ දීමේ දි