1.2 ඉතිහාසය ඉගෙනීමේ වැදගත්කම
ඉතිහාසය යනු මූලාශ්‍රය අධ්‍යයනය සමග බැදී ඇතිඑ විෂයයක් මෙන් ම කුතුහලයෙන් යුතුව හැදෑරිය හැකි විෂයයකි. මේ නිසා ඉතිහාසය හදාරන්නා ස්වභාවයෙන් ම පොත්පත් කියවීමට පෙළඹෙයි. පොත්පත් කියවීමේ දී ඓතිහාසික සිදුවීම් පිළිබඳ විවිධ කරුණු, අදහස්, හා මතවාද හමුවන බැවින් කියවන්නා තුළ විචාර බුද්ධිය දියුණු වේ. මේ නිසා ඔහු සැම දෙයක් පිළිබඳ ව ම තර්කානුකූල ව සිතීමට පෙළඹෙන අතර එමගින් ගැටලූ නිසි පරිදි තේරුම් ගැනීමට ද හැකියාව ලබයි. ගැටලූ නිසි පරිදි තේරුම් ගත් විට ඒවාට නිර්මාණාත්මක පිළිතුරු සෙවීමට පෙළඹීමක් ඇති කරයි. මේ නිසා ඉතිහාසය ඉගෙනීමෙන් කෙනෙකුගේ පෞරුෂත්වය වර්ධනය
වේ. මීට අමතර ව ඉතිහාසය ඉගෙන ගැනීමෙන් පහත සඳහන් ප්‍රයෝජන අත් වේ.
1. තමා ජීවත් වන සමාජය හා ලෝකය පිළිබඳ යථාවබෝධය
2. අතීත අත්දැකීම් මගින් වර්තමානය තේරුම් ගෙන අනාගතය ගොඩනැගීම
3. රටේ ජාතික අනන්‍යතාව හඳුනා ගැනීම
4. මනුෂ්‍යත්වයට ආදරය කිරීමෙන් ජාතික සමගිය ගොඩනැගීම
5. අන්‍ය සංස්කෘතීන්ට ගරු කිරීමට පුරුදු වීම
6. විවිධ මත ඉවසීමට හුරු වීම